MENU

POSIBLE NGA PAKIG ALYANSA NI LEONARDIA KAG ATAYDE SA 2022 PADAYON PA NGA GINA ISTORYAHAN

  • at 10:13 pm
Share on facebook
Share on pinterest
Share on twitter
Share on print

Bukas si Bacolod Independent Congressional Aspirant Daniel Atayde sa posible pakig-alyansa kay Bacolod City Mayor Evelio Leonardia.

Suno kay Atayde, padayon pa ang ila pag-inistoryahanay agud maplantsa ang posible alliance.

Dugang pa ni Atayde, complement man ang iya nga political color nga green sa political color sang Grupo Progreso nga iya ginlaragway duag sang paskwa.

Nagapasalamat naman si Atayde kay Leonardia sa pagpakilala sa iya sa publiko.

Ginpaathag naman ni Atayde nga wala ini pormal nga gin-imbitar sa lights-on ceremony apang natabuan gid lamang nga nakalabay ini sa plaza samtang nagalibot sa syudad sang Bacolod.

Ginkumpirmar ni Bacolod Mayor Evelio Leonardia nga naga-istoryahanay na sila Atayde sa posible pag-alyansa nila para sa 2022 elections.

Suno kay Leonardia, nakita niya nga isa ka maayo nga persona si Atayde kag may dako nga potensyal.

Dugang pa sang alkalde, nagbisita lamang si Atayde bangud luyag nila nga maglantaw sang aktibidad.

Nagpahayag naman si Leonardia nga bangud nagapadayon pa ang ila nga istoryahanay indi pa sini mapalayag kun sigurado na ang ila pag-inupdanay.  | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

PDEA 6 NAGAHULAT SANG GUIDELINES ANTES ANG DRUG CLEARING ACTIVITIES SA BJMP

April 24, 2024

Nagahulat pa ang ang Philippine Drug Enforcement Agency sang updated guidelines gikan sa Dangerous Drugs Regulation Board antes liwat magpatigayon sang drug clearing activities sa mga Bureau of Jail Management and Penology facilities.

Suno kay Shey Tanaleon, spokesperson sang PDEA Region 6, bangud sa pandemya sang tuig 2020 nagpatuman sang moratorium ang BJMP rason nga gin-untat ang ginapatigayon nga drug clearing activities apang ginbatak na pero nagahulat pa sang bag-o nga guidelines.

Isa sa mga idugang sa guidelines suno kay Tanaleon amo ang dapat nga may yara sang drug free workplace committee ang kada pasilidad para amo ang magatan-aw sang tanan nga aktibidad nga patigayunon.

Ginklaro ni Tanaleon nga indi lang greyhound operation kag drug testing ang ginapatigayon sa drug clearing operation kundi naga patigayon man sila sang mga seminars sa mga Persons Deprived of Liberty (PDL).

Ginpahayag man ni Tanaleon nga isa man ini ka requirement para ma deklarar nga drug free ang isa ka probinsya. Sa karon, nagapadayon naman ang ila search and seizure operations.

What’s your Reaction?
+1
0
+1
0
+1
0
+1
0
+1
0
+1
0
+1
0

REGULAR EMPLOYEE SANG BACOLOD GIN REKLAMO NGA NAG TAMPER SANG RESIBO

April 24, 2024

Gina imbestigahan sang syudad sang Bacolod ang gin alegar pag tamper sang resibo nga gin isyu sa violator nga gin isyuhan sang citation ticket sang Bacolod Traffic Authority Office.

Suno kay Jose Antonio Robello, deputy head sang BTAO, 2,300 pesos ang penalidad sang lalaki nga violator bangud nag maneho sang motorsiklo nga wala sang helmet kag driver’s license nagligad nga Abril 18, 2024.

Sa amo nga penalidad, 1,000 pesos ang bayad sa towing, samtang 1,300 pesos sa pag drive nga wala sang helmet kag wala sang lisensya.

Ginpahayag ni Robello, nagbayad ang violator sang 1,300 pesos sa babaye nga cashier sang City Treasurer’s Office nga assign sa BTAO pero gin alegar 300 pesos lamang ang gin encode.

Gin alegar nga ginbutangan sang cashier sang ‘1’ ang resibo para ini ang mangin 1,300 pesos.

Suno kay Robello, sa ila nga pag usisa, 300 lamang ang nagsulod sa system nga bayad bisan 1,300 ang ginbayaran sang violator.

Ang reklamo ang una gin padangat sa Isugid kay Mayor nga programa. Ang cashier nga ginareklamo ang isa ka regular nga empleyado.

Luyag lamang ni Robello nga maklaro nga wala sang BTAO personnel ang imbolbado dire.

Ginklaro sini nga wala sila nagabaton sang kwarta nga bayad sang mga violator kundi naga isyu lamang sang citation ticket.

REAKSYON NI MAYOR ALBEE

Dismayado si Bacolod Mayor Albee Benitez sa nabaton nga reklamo batuk sa cashier sang City Treasurer’s Office nga assign sa BTAO bga gin reklamo nga nag tamper sang resibo.

Sa interview sang media, Myerkules, ginpahayag sang Alkalde, nga atubangon sang regular nga empleyado ang konsekwensya kag ini ang ipaidalum sa due process.

Ginkumpirmar ni Benitez nga gin saylo na ang ginareklamo sa iban nga trabaho kag indi na cashier nga assign sa BTAO. Ginpahayag ni Benitez, indi na sini kinahanglan nga suliton ang iya panindugan batuk sa korapsyon kag posible luyag nila nga may ma ‘sampolan’.

Gina kilala naman sang alkalde ang mga tawo nga nagapangisog nga mag reklamo kontra korapsyon bangud nagapati nga ang pagtinlo sa gobyerno ang indi lamang iya responsibilidad.

Nagpasiguro si Benitez nga iya gilayon aktuhan ang mga ginapadangat nga reklamo.

What’s your Reaction?
+1
0
+1
0
+1
1
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.