Indi madayon ang power interruption sang National Grid Corporation of the Philippines ukon NGCP sa Mayo 22 sa Bacolod-San Enrique 69KV transmission line.
Suno kay Malou Parocco, Public Relations Officer sang CENECO, wala sang specific nga rason nga ginpalambot sa ila ang NGCP pero may ‘unforeseen circumstances’ ang kontraktor rason nga indi madayon nga power interruption.
Samtang, liwat nga nagpagwa sang panugyan ang CENECO sa ila konsumedor nga para malikawan ang disconnection, indi magbayad sang electric bill sa mga indi otoridado nga payment centers nga nagapakilala bilang nga CENECO collecting agents.
Nagpanugyan ang CENECO nga magbayad lamang sa authorizer CENECO collection centers kaangay sang Alvio, SaveMore Customer Service kag accredited collecting banks.
