PREPARASYON SANG TRANSITION TEAM PARA SA MASUNOD NGA ADMINISTRASYON SA BACOLOD, NAGAPADAYON

Share on facebook
Share on pinterest
Share on twitter
Share on print

Ginpahayag ni City Legal Officer Atty. Joselito Bayatan nga padayon ang ila preparasyon para sa masulhay nga transition sang masunod nga administasyon.

Sang Lunes nga adlaw, Mayo 16, nagpakigsapol si Bayatan kag City Administrator Eduard Joseph Cuansing kaupod ang department heads. Suno kay Bayatan, indi na bag-o sa ila ang transition bangud sang 2013 nagtukod man sila sang team sang nagpungko sa pwesto si anay Mayor Monico Puentevella.

Dugang pa ni Bayatan, ang transition team ang pangunahan ni outgoing Mayor Evelio Leonardia kaupod ang duha ka appointive officias bilang focal person lakip na siya ka ang City Administrator. Ginklaro man ni Bayatan, sa tanan nga transition team, naga supervise man ang Department of Interior and Local Goverment.

Sa karon, suno kay Bayatan, ila ginahulat ang schedule sang gintukod nga transition tea sang masunod nga administrasyon.

Sa nahibaluan, ang transition team ni Mayor-elect Albee Benitez ang pangunahan ni reelected Bacolod Congressman Greg Gasataya.

What’s your Reaction?
+1
1
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.