PRO6 GINAKABIG “ISOLATED” ANG KASO SANG PAGPAMATAY SA BACOLOD KAG NEGROS OCCIDENTAL

Share on facebook
Share on pinterest
Share on twitter
Share on print

Ginakabig sang Police Regional Office 6 nga isolated ang mga kaso sang pagpamatay sa syudad sang Bacolod kag Negros Occidental.

Sa interview sa Aksyon Reports Afternoon Edition, ginpahayag ni PRO 6 spokesperson Police Major Mary Grace Soccoro Borio, nga indi masiling nga alarming ang mga kaso tungod kon ikumparar ang crime rate sang nagligad nga tuig, mas mataas ini ikumparar subong nga tuig.

Sa pihak sini, ginmando na sa mga natungdan nga hepe sang kapulisan ang ma id id nga imbestigasyon sa kaso.

Magluwas sini, ginmando man ang adjustment sa deployment kag patrol plan sang kapulisan agod matutukan ang mga lugar nga masami ginaluntaran sang krimen. | Aksyon Ann Defensor via ARAE

What’s your Reaction?
+1
1
+1
0
+1
0
+1
0
+1
0
+1
0
+1
0

1,387 KA PULIS SA PRO-6 MAGA AUGMENT SA BCPO PARA SA MASSKARA 2022

Kapin 1,387 ka kapulisan gikan sa nagkalain-lain nga units sang Police Regional Office (PRO)-6 ang natalana nga i-augment sa Bacolod City Police Office (BCPO) sa palaabuton nga inadlaw.

Ini man ang magadugang sa security force sang BCPO bangud sang nagapadayon nga Masskara Festival 2022.

Suno kay Police Major Mary Grace Socorro Borio, Spokesperson sang PRO-6, gin-desisyonan sa pagsinapol kahapon (Oktubre 3) nga tungaon sa tatlo ka batch ang pagpadala sang augmentation sa BCPO agud indi man maapektuhan ang trabaho sa iban nga units sang PRO-6.

Dugang pa ni Borio, sa 1,387 nga natalana i-augment; 1,345 diri ang mga Police Non-Commissioned Officers (PNCOs) samtang 42 naman ang Police Commissioned Officers (PCOs).

Kalabanan sa mga kuhaon nga PNCOs amo ang mga bag-o nagtapos sang ila nga training.

Target sang PRO-6 nga malambot ang 2,229 nga PNP personnel requirement basi sa security plan para sa Masskara Festival 2022.

Ginklaro naman ni Borio nga kalakip na sa 1,387 nga augmentation ang ipadala sang Negros Occidental Police Provincial Office (NOCPPO). | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

NAPULO KA WATER REFILLING STATIONS SA E.B MAGALONA WALA SANG SANITARY KAG BUSINESS PERMITS

10 sa 37 ka mga naga-operate nga Water Refilling Station sa banwa sang EB Magalona ang wala sang sanitary kag business permit.

Sa interview sa Aksyon Hotline, ginpahayag ni EB Magalona Mayor Marvin Malacon nga temporaryo niya ginpasira ang napulo ka mga water refilling station nga samtang naga-proceso pa sang ila dokumento.

Suno kay Malacon, nagpatigayon sila kahapon sang pagsinapol upod sa mga tag-iya sang water refilling station sa ila nga banwa kag didto ginpanugyan sa owners ang ila pagahimuon nga tikang agud masiguro nga matinlo ang ila ginabaligya nga tubig.

Nahibaloan, ang banwa sang EB Magalona ang naka-record sang isa ka kaso sang Cholera sa diin naka-rekober na man ang pasyente.| Aksyon Dorel Cabatu via Aksyon Hotline

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.