PROBINSYA GINA ASIKASO NA ANG HEALTH BENEFITS SANG MGA EMPLEYADO SANG KAPITOLYO

Share on facebook
Share on pinterest
Share on twitter
Share on print

Gina asikaso na sang gobyerno probinsiyal ang baseline data sang mga provincial government employees sang Negros Occidental para sa health benefits sang mga ini kalakip ang mga job order workers kag Contract of Services.

Suno kay Provincial Administrator Atty. Rayfrando Diaz II madugay na ginaplanohan ni Governor Bong Lacson kag Vice Governor Jeffrey Ferrer ang paghatag sang health benefits sa tanan nga mga empleyado sang gobyerno probinsiyal.

Nagapati si Diaz nga mangin mahapos kag madali ang paghatag sang benepisyo kun mahibaluan ang medical history sang empleyado sandig sa baseline data.

Una diri ginpangabay sang Progressive Alliance of Capitol Employees kay Governor Lacson nga hatagan sang health, hospitalization kag health care insurance benefits ang mga opisyal kag provincial government employees.

Ila man ginpanawagan sa gobernador nga ilakip man sila sa Negros Occidental Comprehensive Integrated Health Program coverage, libre nga medical kag hospitalization services sa tanan nga district kag provincial hospital. | Aksyon Marlon Genovea

What’s your Reaction?
+1
1
+1
0
+1
1
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.