MENU

PROBINSYA INDI PA MAKADESISYON SANG DUGANG NGA BYAHE NGA PANGABAY SANG AIRLINE COMPANY

  • at 7:47 pm
Share on facebook
Share on pinterest
Share on twitter
Share on print

Ginklaro ni Governor Bong Lacson nga indi sa gilayon makadesisyon ang gobyerno probinsiyal sa pangabay sang Philippine Airlines nga pagdugang sang biyahe pasulod sa Negros Occidental subong nga bulan sang Hulyo.

Suno kay Lacson, nagahalong sa karon ang probinsiya bangud sa ginakabalak-an nga COVID-19 Delta variant.

Nabalaka ang gobernador bangud wala pa mahibaluan kun anu kasangkad ang kahalitan nga tugahon sang amo nga variant nga nagsulod na sa Western Visayas.

Nagligad nga semana, ginpanugyan ni Department of Health Regional Director Adriano Suba-an kay Lacson, nga dapat mag-alerto ang Negros Occidental sa pagsulod sang Delta variant. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

PILA KA LGUs SA PROBINSYA GINATAN-AW MAY ENKWENTRO SA PAGKA ALKALDE KAG KONGRESISTA SA 2025

April 15, 2024

Pila ka mga lugar sa Negros Occidental ang ginalantaw ni Governor Bong Lacson nga may engkwentruhanay sang mga kandidato sa pagka-kongresista kag alkalde sa Mayo 2025 nga eleksyon.

Suno kay Lacson, posible nga may engkwentruhanay sa pagka-alkalde sa syudad sang Talisay, Silay, Kabankalan , banwa sang Isabela, San Enrique, kag Valladolid.

Sa ika-anom nga distrito, ginsiling sang gobernador nga indi pa klaro kun madayon ang ginakuno-kuno nga engkwentruhanay sa pagka-kongresista.

Dugang pa ni Lacson, daku man ang posibilidad nga may kasumpong si incumbent Cong. Dino Yulo.

Liwat nga ginkompirmar ni Lacson ang iya nga pagpapili bilang gobernador sa 2025 nga eleksyon.

What’s your Reaction?
+1
0
+1
0
+1
0
+1
0
+1
0
+1
0
+1
0

CHO: WALA SANG CLUSTERING SANG PERTUSSIS SA BACOLOD

April 15, 2024

Wala gina rekomendar sang Bacolod City Health Office ang pag deklarar sang outbreak sang pertussis.

Ini matapos nagsaka sa anum ka mga kaso sang pertussis ang na record sa syudad.

Sa press conference, Lunes, ginpahayag ni City Health Officer Dr. Ma. Carmela Gensoli, wala sang clustering sang pertussis sa syudad sang Bacolod.

Nagpasiguro si Gensoli nga preparado ang mga hospital sa Bacolod sa sini nga mga kaso.

Padayon nga ginapanawagan sang Bacolod CHO nga kompletuhon ang bakuna sang mga bata bilang proteksyon sa mga masakit.

Ginpahayag ni Dr. Jevi Marie Ortoño, Medical Officer III kag National Immunization Program Medical Coordinator, sang 2023, yara lamang sa 60% sang 11 mil nga target population sang mga bata nga manug edad isa ka tuig ang nabakunahan.

Suno kay Ortoño, subong nga 2024, yara sa 10 mil ang target population sang mga bata ang target nga makompleto ang bakuna sa pag edad sang isa ka tuig.

Ginpaathag ni Ortoño, lakip sa mga rason nga nagapamalibad ang ginikanan sa bakuna amo nga nagamasakit ang ila bata, wala ang ginikanan sa balay para maghatag permiso sa pagbakuna, ang kabalaka sa side effects kag may yara sang wala nagapati sa bakuna.

Suno kay Ortoño, padayon nila nga gina edukar ang publiko nga mas mataas ang benepisyo sang mahatag sang bakuna sa mga kabataan.

Para kay Dr. Gensoli, preventable kag curable ang pertussis.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.