PROBINSYA TARGET NGA LIWAT MAPADAMO ANG TOURIST ARRIVALS

Share on facebook
Share on pinterest
Share on twitter
Share on print

Tinguhaan sang gobyerno probinsiyal nga mapabalik ang estado sang Negros Occidental bilang ikaduha nga probinsiya sa Western Visayas nga may pinakadamo nga mga tourist arrivals.

Ini ang ginpahayag ni Provincial Administrator Atty. Rayfrando Diaz sa pagbukas sang Provincial Tourism Fair sa Ayala Capitol Central syudad sang Bacolod subong nga adlaw.

Suno kay Diaz, ang Negros Occidental amo sadto ang ginkilala nga may madamo nga tourist arrivals antis ang Covid-19 pandemic, sunod sa Isla sang Boracay sa Aklan.

Dugang ni Diaz, ginsugdan na sang probinsiya ang pag-organisa sang tourism groups, kag may mga tikang naman nga ginhimo para madali nga makit-an kag matultulan sang mga foreign visitors ang mga tourist destinations sa probinsiya.

Magluwas sini pwede man nga maka booking online ang mga bisita para hotels nga gusto teneran, pareho sang Mambucal Resort and Wildlife Sanctuary kag Negros Residences. Ang Provincial Tourism Fair ang kabahin sa Tourism Summit nga ginsugdan nagligad nga Setyembre 16. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

NOCPPO NAGPAHAYAG NGA WALA SANG PULIS SA PROBINSYA NGA GINAHATAGAN PRAYORIDAD

Ginklaro sang Negros Occidental Police Provincial Office (NOCPPO) nga wala sang gina-prioritize nga opisyal sang pulis sa probinsya sang Negros Occidental.

Ini kasunod sang mando nga ginpapanaug tinalikdan nga semana sang NOCPPO nga nagapahamtang sang bag-o abot nga mga opisyal sa dalagko nga mga police stations sa probinsya.

Suno kay Police Lt. Judesses Catalogo, spokesperson sang NOCPPO, nagasunod lamang ang NOCPPO sa mando sang higher command.

Aminado naman si Catalogo nga may mga opisyal pa gid man sa NOCPPO nga mahimo ipahamtang bilang hepe sang pila ka mga police stations sa probinsya apang mahimo nakita sang higher command nga mas epektibo sila sa ila nga posisyon sa karun.

Dugang pa ni Catalogo, normal man sa hanay sang PNP ang pagpatuman sang re-shuffling.Nahibaloan, may tatlo ka mga opisyal nga gikan sa Metro Manila ang gilayon ginhatagan sang posisyon bilang hepe sang Talisay City, kag Sipalay City samtang ang isa naman yara sa isa ka kritikal nga pwesto sa NOCPPO. | Aksyon John Diaz

What’s your Reaction?
+1
1
+1
0
+1
0
+1
0
+1
0
+1
0
+1
0

NAPULO KA WATER REFILLING STATIONS SA E.B MAGALONA WALA SANG SANITARY KAG BUSINESS PERMITS

10 sa 37 ka mga naga-operate nga Water Refilling Station sa banwa sang EB Magalona ang wala sang sanitary kag business permit.

Sa interview sa Aksyon Hotline, ginpahayag ni EB Magalona Mayor Marvin Malacon nga temporaryo niya ginpasira ang napulo ka mga water refilling station nga samtang naga-proceso pa sang ila dokumento.

Suno kay Malacon, nagpatigayon sila kahapon sang pagsinapol upod sa mga tag-iya sang water refilling station sa ila nga banwa kag didto ginpanugyan sa owners ang ila pagahimuon nga tikang agud masiguro nga matinlo ang ila ginabaligya nga tubig.

Nahibaloan, ang banwa sang EB Magalona ang naka-record sang isa ka kaso sang Cholera sa diin naka-rekober na man ang pasyente.| Aksyon Dorel Cabatu via Aksyon Hotline

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.