SECTIONS

Today is:

PROBINSYA TEMPORARYO NGA MAG UNTAT SA PAGBATON SANG OFWs KAG LSIs

Share on facebook
Share on google
Share on pinterest
Share on twitter
Share on print

Ginmando ni Negros Occidental Governor Bong Lacson ang temporaryo nga pagpauntat sa pagbaton sang mga returning residents, OFWs kag locally stranded individuals.

Suno sa gobernador, wala na sang bakante ang mga quarantine facilities sang Negros Occidental.

Dugang pa ni Lacson, madamo man sang mga local government units ang nagpabalo sa iya, nga ponu man ang ila mga quarantine facilities.

Suno kay Lacson, magahulat ang probinsiya nga mabakante ang mga ini, antis ibalik ang pagbaton sang mga nagapauli sa Negros Occidental.

Ang Provincial Healing Center sa EB Magalona, St. Andrew’s Park Place sa Cadiz kag Mambucal resort sa Murcia, amo ang dalagku nga mga quarantine areas sa Negros Occidental nga sarang makaakomodar sang ginatos ka mga persona.

Ginpangabay man ni Lacson ang National Inter-Agency Task Force (NIATF), nga tugutan anay ang LGUs nga makagamit sa mga school building bilang quarantine facilities.

Suno sa gobernador, naghangyo ang Department of Education sa probinsiya nga kun pwede na nga maka amat amat biya sa mga school buildings ang mga persona nga gina quarantine kag pangitaan sang salaylohan.

Apang ginsiling sang gobernador nga may mga 3rd kag 4th class municipalities ang indi makasarang sa pagpahamtang sang kaugalingon nga quarantine areas.

Nagasalig si Lacson nga paboran sang NIATF ang iya pangabay , bangud prayoridad sa gihapon sang probinsiya nga mahatagan sang proteksyon ang ikaayong lawas sang mga Negrense kag indi na magdamo pa ang mga positibo sa COVID-19.

Abril sang gin-aprobahan sang DepEd ang pagpagamit sa 660 ka mga eskuwelahan sa bug-os nga pungsod bilang temporaryo nga quarantine ukon isolation areas , kabahin sa COVID-19 response sang gobyerno. | Aksyon Marlon Genovea

Last Updated on:

MORE STORIES:

ANU ANG IMO MA KOMENTO?

error: Ooops... You are not authorized to copy this content.