PROBINSYA WALA SANG PAGBAG-O SA RESTRICTION BISAN IPAIDALUM ANG BACOLOD SA ALERT LEVEL 3

Share on facebook
Share on google
Share on pinterest
Share on twitter
Share on print

Magapabilin sa gihapon ang ginapatuman nga mga  ‘restrictions’ sa Negros Occidental, bisan pa nga ginpaidalom sa Alert Level 3  ang syudad sang Bacolod.

Suno kay  Provincial Administrator Atty. Rayfrando Diaz II padayunon  lamang  sang gobyerno probinsiyal ang pagpatigayon sang RT-PCR testing  sa sin-o man  nga taga Negros Occidental kag Bacolod, kag  pagproseso  sini  sa Teresita L. Jalandoni  Molecular Laboratory sa syudad sang Silay.

Dugang pa ni Diaz, pagasuportahan  man sang gobernador  ang  plano  sang mga local government units (LGUs)  nga pag-obligar sa mga persona nga nagahalin sa Bacolod  nga magpaidalom sa RT-PCR test, kun kinahanglanon. 

Sa karon liwat nga  ginpaalerto ang mga district hospital sang gobyerno probinsiyal , bangud  sa ginakabalak-an  nga pagdamo  pa sang kaso sang COVID-19, indi lamang sa Negros Occidental kundi pati na sa syudad sang Bacolod. | Aksyon Marlon Genovea

What’s your Reaction?
+1
0
+1
0
+1
1
+1
0
+1
0
+1
0
+1
0

GOV LACSON NAGPOSITIBO SA COVID-19

Nagpositibo sa Covid-19 si Negros Occidental Governor Eugenio Jose Lacson.

Suno kay Negros Occidental Provincial Administrator Atty. Rayfrando Diaz ll, kaina sang aga gin-swab si Lacson kag nagwa ang resulta sini las 2:20 sang hapon.

Dugang ni Diaz, posible man nga ipaidalum sa contract tracing kag i-swab test ang body guards, staff kag driver sang gobernador nga masami naga-upod sa iya nga lakat.

Wala naman sang kabalak-an sa mga staff sang gobernador sa iya opisina, bangud umpisa sang Hwebes wala na ini makapalapit pa gikan sa mga lakat sini sa Sur nga bahin sang probinsiya, apang nagpasa gihapon sang ila ngalan sa Provincial Health Office.

Palayag pa ni Diaz, indi man magproblema ang naatubang sadto ni Lacson sa Sur sang Myerkules kag Hwebes, bangud nagpa-antigen test ini sa amo nga adlaw kag non-reactive ang resulta.

Wala man naka close contact ang gobernador sa iya pamilya.

Maga-isolate anay si Lacson, apang ginahibalo pa ni Diaz kun pila kaadlaw.

Ang maayo lang nga balita kay yara lang sa maayo nga kahimtang ang gobernador kag siya pa ang nagmaneho sang iya salakyan padulong sa Teresita Jalandoni Provincial Hospital sa syudad sang Silay kaina sang aga kag nagtahaw naman ang iya ubo. | Aksyon Bryan Morden

What’s your Reaction?
+1
0
+1
0
+1
0
+1
0
+1
0
+1
0
+1
1

MORE STORIES:

LIKE US ON FACEBOOK

error: Ooops... You are not authorized to copy this content.