PROGRAMA PARA MALIKAWAN ANG AKSIDENTE SA DALANON, GINAREKOMENDAR

Share on facebook
Share on pinterest
Share on twitter
Share on print

Nagaplano nga makigsapol ang Negros Occidental Provincial Police Office sa mga LGU sa probinsya kaupod ang LTO kag DPWH para makatukod sang programa nga makahagan-hagan sa aksidente nga nagaluntad sa dalanon.

Ginpahayag ni Provincial Director Col. Leo Pamittan, isa sa mga rason sang aksidente ang madulom nga headlight kag guba nga signal light sang salakyan rason nga indi makit-an sang iban nga nagamaneho sang motorsiklo ilabi na kon may ginakay-o nga dalan kag wala sang warning signages.

Nagmando man si Pamittan sa mga hepe sa probinsya nga bantayan kag maghatag sang warning sa mga truck nga may mga overloaded nga karga nga masami nagatuga sang mabug-at nga trapiko sa mga dalan kon mawas-ag kag mahulog ang ila karga.

Palayag ni Pamittan, pinaagi sa pagpabakod kag pagpasanyog sang police visibility sa dalan, malikawan sang motorista nga mag overspeeding sa dalan ilabi na sa mga intersection kag madamo sang tawo nga prone sa aksidente.

What’s your Reaction?
+1
0
+1
0
+1
0
+1
0
+1
0
+1
0
+1
0

KAPIN 1M NGA BULIG PINANSYAL GINHATAG SANG DSWD SA NA APEKTUHAN SA EKWENTRO SA ESCALANTE KAG TOBOSO

Kapin P1 million pesos nga bulig pinansiyal ang ginhatag sang Department of Social Welfare and Development (DSWD) Field Office VI – Disaster Response Management Division sa mga Internally Displaced Individuals nga naapektohan sang armed conflict sa boundary sang Escalante kag Toboso, Negros Occidental.

Suno kay DSWD Region 6 Director Atty. Carmelo N. Nochete, nabalaka ang ila departamento sa trauma nga gintuga sang sunod-sunod nga lupok , sa mga pamilya ilabi na sa mga kabataan. Basi sa report sang Local Social Welfare Office sang Escalante kag Toboso, 268 ka mga pamilya nga may 1,092 ka mga individual ang apektado.

240 ka mga pamilya nga may 980 ka mga indibidwal ang nagtener sa mga evacuation centers.

Gin-usisa man sang DSWD personnel ang mga evacuees agud mahibaluan ang ila mga isyu kag concerns sa sulod sang evacuation center.

What’s your Reaction?
+1
0
+1
0
+1
0
+1
0
+1
0
+1
0
+1
0

PAGTUKOD SANG ISTRAKTURA SA DANGER AREAS SA SINGCANG-AIRPORT, GINADILIAN

Ginadilian na ang pagtukod sang balay ukon istraktura sa Barangay Singcang-Airport sa mga ginakabig danger areas, public land ukon private land nga wala sang pahanugut sa gobyerno.

Ini ang base sa Barangay Ordinance nga gin aprubahan sang Singcang-Airport council.

Base sa facebook post ni kapitan Atty. Caesar Distrito, cover sang ordinansa ang mga danger areas kaangay sang baybay, kilid sang suba, kilid ukon sa babaw sang mga kanal, drainage, creek, estero, dalan, pathway, footwalk, ukon ano man nga public land ukon private land nga wala sang permiso sang barangay.

Ginpaathag ni Distrito, kinahanglan una nga magpangayo sang clearance halin sa Barangay antes magpakay-o ukon magpatindog sang istraktura.

Suno sa Kapitan, ang mga nasambit nga balay ukon istraktura amo ang nagabalabag nga ginatunaan sang pagbaha kag nagabutang sa peligro sang tawo.

Ginatugyan ni Distrito sa mga opisyales sang purok ang pagbantay kag mag report kon may illegal structure sa ila nga lugar.

Magapapanaug ang Barangay sang notice to stop kag pagkakas sang illegal structure kon may bayolasyon, kag kon indi makakas sa sulod sang 24 oras, ang Barangay na ang maguba sang istraktura.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.