PROSESO PARA SA PAGBAKAL SANG LIBRE NGA SCHOOL SUPPLIES GINATAN-AW MAUMPISAHAN SA MASUNOD NGA SEMANA – ESPINO

Share on facebook
Share on pinterest
Share on twitter
Share on print

Gin kumpirmar ni Councilor Al Victor Espino, chair sang committee on education, nga may yara na sang nakita nga source ang iya komitiba nga mahimo kuhaan sang pondo para sa plano sang syudad nga magbakal sang school supplies nga ipanagtag sa mga estudyante.

Suno kay Espino, may yara sang existing ordinance nga naga alokar sang kinahanglanon nga pondo gikan sa Special Education Fund sa kantidad nga 15 milyones ka pesos.

Dugang pa ni Espino, tinguhaan nila nga ma sugdan na ang pag proseso sini nga proyekto sa masunod nga semana, ilabi na nga may yara pa sang dapat sundon nga proseso katulad sang bidding nga amo ang masami gina tunaan sang pagka delay.

Samtang, target ni Espino nga matapos na sa masunod nga semana ang pagpatigayon sang inspection sa tanan nga mga eskwelahan nga nasakupan sang Bacolod DepEd Division.

Suno sa Konsehal, luyag sini mismo nga makit-an personal ang sitwasyon sang tagsa ka mga eskwelahan angut sa natalana nga pag balik sang face to face classes. |Aksyon Art Tayhopon

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.