PROVINCE-WIDE GUN BAN IPATUMAN SA TION SANG PANAAD FESTIVAL 2024

Share on facebook
Share on pinterest
Share on twitter
Share on print

Ipatuman ang province-wide nga gun ban ang Negros Occidental Police Provincial Office sa maabot nga Lunes, Abril 15 kadungan sa opisyal nga pagsugod sang Panaad Festival tubtob sa masunod nga Dominggo, Abril 21.

Sa interview kaupod ang media kadungan sa send-off ceremony kaina sang aga, Sabado gin pahayag ni Police Col. Rainerio De Chavez Jr, Provincial Director sang Negros Occidental Police Provincial Office nga ang pagpatuman sang gunban ang kabahin sang ila security measures para sa Panaad Festival.

Sa sulod sang anum ka adlaw, gin palayag ni De Chavez nga temporaryo nga suspendihon ang License to carry firearms outside residence.

Dugang pa ni De Chavez, may mga national officials nga ila gina lauman nga magapadulong sa Panaad kag gin pasiguro sini nga handa ang hanay sang kapulisan kag mga augmenting forces nga maghatag sang nagakaigo nga seguridad.

Magapatigayon man sang simulation exercises ang NOCPPO agud mapasangkad pa ang kapasidad sang kapulisan sa pagpatuman sang security measures.

Nagpahanumdom si De Chavez sa mga magakadto sa Panaad Park and Stadium nga likawan nga magdala sang mga talom nga bagay kag indi mag himo sang mga bomb-jokes.

Naglambot sa 1,102 ka mga kapulisan, PCG kag BFP personnels ang natalana e-deploy sa Panaad Park and Stadium sini nga adlaw.*

What’s your Reaction?
+1
0
+1
2
+1
0
+1
0
+1
0
+1
0
+1
0

SILAY SP NANINDUGAN NGA WALA SANG PAMULITIKA SA WALA PA PAGHATAG SANG RONO SA BULK WATER PROJECT

Nanindugan ang Sangguniang Panlungsod sang syudad sang Silay nga wala sang pamulitika sa isyu nga wala pa sila maka hatag sang resolution of no objection (RONO) sa 1.2 bilyones pesos nga Negros Occidental Bulk Water Project.

Sa phone patch interview, Myerkules, ginbasa ni Silay Vice Mayor Thomas Maynard Ledesma, ang opisyal nga statement sang ila konseho sa sini nga isyu.

Ginpahayag ni Ledesma, nagapangabay pa sang klaripikasyon ang pila ka miembro sang konseho lakip na dire kon ang proyekto ang maka apekto sa mga establisamento kag factories sa Silay nga nagasalig sa suba nga kuhaan sang tubig.

Luyag man maklarohan sang Konseho kon ang proyekto ang maka apekto sa sektor sang agrikultura, ang existing nga application sang Vivant Hydropower Plant sa Kapitan Ramon, ang impact sang proyekto sa environment.

Nasaad man sa statement nga ang proponent ang dapat nga magpangabay sang opinion sang mga eksperto kaangay sang DENR, Department of Agriculture, DRRM sa posible peligro nga madulot sang proyekto.

Luyag man sang Konseho nga mahibaluan ang benepisyo sang sini nga proyekto para sa Silay kag ang financial impact sa bili sang tubig sang Silay City Water District (SiCiWa)

Gin ehemplo sang Konseho ang mga potentional problems nga nagakatabo karon sa Cagayan De Oro nga may yara man sang Bulk Water Project kag indi luyag nga ini ang matabo man sa Silay.

Ginpahayag sang Bise-Alkalde, nga wala sang politika dire kag ila lamang dire ginalantaw ang welfare sang ila mga pumuluyo.

Nagalaum si Ledesma nga masabat ang ini nga mga pamangkot sa tion nga liwat nga mag presentar ang proponent sang sini nga proyekto.

RONO SANG TATLO KA BARANGAY, GINAHULAT

Ginahulat sang Sangguniang Panlungsod sa syudad sang Silay ang resolution of no objection sang tatlo ka mga Barangay nga posible ma apektuhan sang Negros Occidental Bulk Water Project.

Ginpahayag ni Vice Mayor Ledesma, ini nga mga Barangay ang ginalakipan sang Barangays Hawaiian, Kapitan Ramon, kag Guimbala-on.

Suno kay Ledesma, wala nila mapalambot ang mga concern sang ini ang gintalakay kaangay sa water summit bangud wala sila nakahibalo sa sini nga proyekto.

Ginpahayag sang Bise-alkalde, nga isa pa sa ginakabalak-an amo ang posible pagsaka sang water rate kon ang SiCiWa ang magabakal sang tubig sa sini nga proyekto.

Suno pa kay Ledesma, ginpalambot man sa ila sang SiCiWa nga may nagakaigo sila nga suplay sang tubig kag indi na kinahanglan magkuha sang tubig sa bulk water project.

What’s your Reaction?
+1
0
+1
0
+1
0
+1
0
+1
0
+1
0
+1
0

BCPO MAGABULIG SA PAGPATAHOM SA GIN-VANDALIZE NGA LUGAR SA BACOLOD

Magabulig patahom sa gin-vandalize nga lugar sa Bacolod ang Bacolod City Police Office (BCPO) sa pagpanguna ni BCPO City Operations Management Unit Chief PLt. Col. Lester Leada.

Ginpahayag ni Leada, nakigsapol siya upod kay Bacolod City Administrator Dr. Lucille Gelvolea kag iban pa nga stakeholders angot sa plano nga pagpatahom sa mga vandalized areas.

Suno kay Leada, nagapakig-angot na sila sa siudad agud ma-identify ang mga lugar nga apektado sang vandalism.

Nahibaloan, ang anti-vandalism campaign sang BCPO ang ginahimo nga tikang agud mabuligan ang siudad para sa ginaduso nga mangin Super City ang Bacolod.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.