Ginatinguhaan sang lokal nga panguluhan sang Negros Occidental nga ma plastar na ang updated Provincial Development Investment plan sa sulod sang tatlo ka tuig sa idalum sang panibag-o nga termino ni Governor Bong Lacson.
Suno kay Provincial Administrator Atty. Rayfrando Diaz, ini nga development kag investment plan gina lakipan sang mga prayoridad nga maga sentro sa food security, water security, education, infrastructure kag madamo pa.
Dugang pa ni Diaz, ini ang rason kon nga a temprano pa nga gina pa sumitir sang gobernador ang nagkalain lain nga mga departamento sang probinsya angut sa ila mga prayoridad nga mga proyekto kag programa.
Ang komprehensibo nga detalye suno pa kay Diaz gina paabot nga mangin kabahin sa Inaugural speech sang gobernador sa palaabuton nga Hunyo 25. | Aksyon Art Tayhopon