PROVINCIAL HEALTH SUMMIT GINTALANA SA NOBIEMBRE 24
Posted by:
News Desk
|
September 23, 2022
at
9:13 pm
Share on facebook
Share on pinterest
Share on twitter
Share on print
Magapatigayon sang Provincial Health Summit ang gobyerno probinsiyal sang Negros Occidental sa Nobyembre 24, 2022 agud preparahan ang implementasyon sang Universal Health Care (UHC) Program sang gobyerno nasyonal.
Suno kay Provincial Health Officer Dr. Ernell Tumimbang , isa ini sa mga gintalakay sa sinapol nga ginpatigayon subong nga adlaw.
Dugang ni Tumimbang, nga basi sa plano dapat nga ma fully implement na ang amo nga programa sa tuig 2023.
Pila sa mga dapat asikasuhon amo ang pag identify sa mga health care providers, kag pagtukod sang provincial health board nga amo ang maga manage sa special health fund.
Dapat man suno kay Tumimbang nga mapa athag sa mga local government units kun anu ang UHC.
Sa sini nga summit paga imbetahan ang mga speakers halin sa Department of Health kag Philippine Health Insurance Corporation (PHILHEALTH).
Pebrero 20, 2019 sang pirmahan ni anay Presidente Rodrigo Duterte ang Universal Health Care (UHC) Act bilang kasuguan agud hatagan sang patas nga access sa dekalidad kag barato nga healthcare services ang tanan nga mga Filipino.
Ini ang automatic man nga maga enroll sa Filipino citizens sa National Health Insurance Program kag magapasangkad sa PhilHealth coverage lakip ang libre nga medical consultations kag laboratory tests.
Magabakal ang syudad sang Bacolod sang 10,000 doses sang pentavalent vaccine para sa masobra 3 mil ka mga bata.
Ginpahayag ni City Health Officer Dr. Ma. Carmela Gensoli, may yara karon sang existing pa nga bakuna ang CHO pero posible maubos sa masunod nga binulan bangud sa ginapatigayon nga mapping sang vaccination.
Suno kay Gensoli, nagpangabay ini sa alkalde sang 9,000 doses sang vaccine pero ginpasakaan sang alkalde sa 10,000 doses.
Ang ini nga bakuna ang proteksyon batuk sa diphtheria, tetanus, pertussis, haemophilus influenza B, kag hepatitis.
Suno kay Gensoli, magahalin sa Bacolod CDRRMO ang pondo sa pagbakal sang bakuna balor 15 milyones pesos.
May ginapaabot man ang Bacolod CHO sang sini nga bakuna halin sa Department of Health.
Ginakonsiderar ni Mayor Albee Benitez nga i-terminate ang kontrata sang joint venture agreement sa tunga sang Primewater kag BACIWA ukon re-negotiation.
Sa press conference, Lunes, ginpahayag ni Benitez nga nagpangayo ini sa BACIWA sang listahan sang mga bayolasyon sang Primewater sa ginsudlan nga kontrata.
Isa sa ginbasehan ni Benitez nga bayolasyon amo ang section 5.1.2 sang kontrata, nga sa sulod sang lima ka tuig halin 2020, dapat masiguro ang 24 oras nga tubod sang tubig sa katapusan sang ikaduha nga tuig, nga tubtob karon wala na comply.
Ginapasabat ni Benitez ang BACIWA kon ano ang ila nga nahimo sa mga bayolasyon sa kontrata kag kon may penalidad nga ginpapanaug batuk sa Primewater.
Nagapangayo man si Benitez sa BACIWA sang water security plan nga indi lamang sabat sa epekto sang El Niño kundi diin tubtob ang water supply sang syudad.
Suno sa Alkalde, naga claim ang BACIWA nga 90 million liters a day (MLD) lamang ang kinahanglan sang Bacolod pero 125 MLD ang ginarekomendar sang mga eksperto para sa syudad matapos ang ginpatigayon nga verification.
Ginaduso ni Benitez nga may yara sang buffer plan sang tubig ang syudad kag nagsuhestyon nga ang mga deep wells sang Primewater ang dapat reserba sa tion sang emerhensya kag indi ini pag himuon nga primary source of water.
Liwat nga ginpakamalaot ni Benitez ang mga bag-o nga post sa social media nga nagapakita sa malubog nga tubig kag ang suhestyon nga ilisan na ang madaan nga mga tubo.
Bangud sini, nagapahayag si Benitez nga wala sang concrete investment ang Primewater para mapaayo ang ila serbisyo matapos ang apat ka tuig.
Ginklaro ni Benitez nga ‘done deal’ na ang JVA sang Primewater-Baciwa antes ini nagpungko bilang alkalde sang Bacolod.
ALBEE: WALA PA SANG MAY NAPIRMAHAN NGA KONTRATA MATAPOS ANG WATER SUMMIT
Tubtob karon wala sang kontrata nga nakita si Mayor Albee nga ginsudlan ang Baciwa-Primewater kaupod ang water supplier matapos ang water summit nagligad nga Enero 2024.
Ginpahayag ni Benitez, may mga water supplier nga nagahimo karon sang inisyatibo nga mag install sang mga water pipes bisan wala pa sang ginkasugtan nga kontrata.
Suno kay Benitez, may mga verbal agreement pero wala sang may nakita nga signed contract nga gin promisa sa iya nagligad nga water summit.
Una na nga ginkasugtan sa water summit nga ma deliver sang Baciwa-Primewater ang 20MLD nga shortage sang tubig sa sulod sang anum ka bulan.
Ang injection point 2 sang Bacolod Bulk Water Incorporated sa Murcia ang target makadeliver sang 15 million liters a day samtang magahalin naman sa spring water sa Barangay Alangilan ang dugang nga 5 million liters per day.
May proposal man nga magtukod sang water supply kag filtration facility kag maka deliver sang dugang nga 20MLD halin sa Matab-ang river.
