PROVINCIAL QUARANTINE AREA SA SYUDAD SANG SILAY, PAGABUKSAN SG GOBYERNO PROBINSYAL BILANG ISOLATION FACILITY

Share on facebook
Share on google
Share on pinterest
Share on twitter
Share on print

Pagabuksan man sang gobyerno probinsiyal bilang isolation facility ang provincial quarantine area sa syudad sang Silay, para sa mga Negrense nga positibo sa Covid-19.

Suno kay Provincial Disaster Management Program Division Head Zeaphard Gerhart Caelian, napuno na sang mga gina quarantine nga Covid-19 positive ang Provincial Healing Centre sa Tumandok Village Brgy. Sto. Niño EB Magalona.

Ang quarantine facility nga Yolanda Housing project sa Silay nga malapit sa airport, ang una gintalana para sa mga LSIs.

Dugang pa ni Caelian, ginatun-an man sang probinsiya ang liwat nga pagpangabay sa NIATF nga suspendidon ang pagpapauli sa mga LSIs, OFWs kag returning residents, bangud amat amat naman nga nagakapuno ang mga quarantine facilities sa bug-os nga probinsiya.

Basi sa scheduled flight sang PAL nga gin aprobahan sang NIATF, subong nga Lunes alas 11 sang udto ang Estimated Time of Departure sang PR2131 halin Manila pakadto Bacolod, samtang las 12:25 sang hapon naman ang Estimated Time of Arrival.

KAPIN 2K KA BACOLODNON NAKA AVAIL SANG DOLE-TUPAD PROGRAM HUMALIN ENERO TUBTOB HUNYO 2021

Kapin 2,000 na ka mga Bacolodnon ang nangin benepisyaryo sang Emergency Employment Assistance Program/DOLE-TUPAD Program humalin Enero tubtob Hunyo 2021.

Suno kay Congressman Greg Gasataya, nagsumiter na sila sang suhestyon sa DOLE sa mga Barangay nga ipatuman ang ini nga programa para sa kapin 3,000 ka mga Bacolodnon para sa bulan sang Hulyo tubtob Septembre 2021.

Ini nga programa ang para sa mga disadvantaged ukon displaced workers nga magatrabaho sa Barangay sa sulod sang 10 ka adlaw kag magabaton sang 3,950.

Ginpaathag ni Gasataya nga ila trabaho nga masiguro nga may yara sang pondo para sa mga benipesyaryo samtang ang Barangay amo ang magapili bangud sila ang mas nakahibalo kon sin-o ang nagakinahanglan.

Subong nga adlaw, Hulyo 28, nagbaton sang tig-3,950 ang mga benepisyaryo sang DOLE Tupad Program sa Barangays 37, 21 kag 40.

NEGROS OCCIDENTAL NAKARECORD SANG MANUBO NGA ACTIVE COVID-19 CASES SANG ISA KA SEMANA

Isa ka semana nga nakarekord ang Negros Occidental sang sunod sunod nga pagnubo sa aktibo nga kaso sang coronavirus disease (COVID-19).

Sa datos sang Provincial Incident Management Team (PIMT), nag umpisa ang pagnubo sang Hulyo 21, 2021 sa diin ang kaso naglab-ot sa 1,613 halin sa 1,623 sang Hulyo 20.

Ini ang nagpadayon sa sulod sang pito ka adlaw tubtub nga nangin 1,349 na lamang sang Hulyo 27.

Ginpahayag ni Provincial Administrator Atty. Rayfrando Diaz II, nagnubo naman ang occupancy rate sang mga district hospital sa probinsiya.

Nagapati si Diaz nga resulta ini sang mass vaccination nga ginpatigayon kontra COVID-19. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.