PUBLIKO GINAPAHALONG SA PAG-SHARE SANG REPORT SA COVID-19

Share on facebook
Share on google
Share on pinterest
Share on twitter
Share on print

Nag apelar si Bacolod City Administrator Em Ang sa publiko nga maghalong sa gina-share kag basahon sang maayo ang mga impormasyon antes ipabalo sa iban agod malikawan nga posibilidad ng pag-panic sang tawo.

Ginhimo ni Ang ang apelasyon kasunod sang isa ka facebook post nga naglapta sa online may kaangtan sa mando sadtong 2020 ni Bacolod City Mayor Evelio Leonardia nga closure sang borders.

Sa interview sa Aksyon Firing Line, ginpahayag sang City Administrator nga may anxiety na ang tawo kon COVID-19 ang paghambalan gani mangin responsable sa ginapalapta nga balita agod indi makatuga sang problema.

Panugyan ni Ang, bisitahon ang mga facebook page sang syudad pareho sang Bacolod City PIO agod makakuha sang husto nga impormasyon kag malikawan ang pag-panic.

ISA PATAY SA PAGBUNGGO SANG MOTORSIKLO SA TRUCK

Ginbawian sang kabuhi ang driver sang motorsiklo samtang pilason angkas sini sa aksidente nga nagluntad sa Sitio Bunacan, Barangay Salamanca, Banwa sang Toboso Domingo sang hapon.

Ang napatay ginkilala kay Rey Cansancio, 34 anyos nagapuyo sa Siito Bankerohan, ang pilason ginkilala kay Jimmy Mahilum, 61 anyos nagapuyo sa Sitio Tiguib, samtang ang suspetsado ginkilala naman kay Vincente Elmer Tiin, 53 anyos nagapuyo sa Crossing Salamanca sa amo nga Barangay.

Suno kay PCapt Paul Kenneth Magan, naglapaw sa kurbada nga bahin sang dalan ang ginamaniho nga motorsiklo sang napatay kag nasugata ang nagapadulong nga truck.

Dugang ni Magan, gin tinguhaan pa sang driver sang truck likawan ang motorsiklo, apang nalab-ot ini kag agkalatumba, rasun sa kamatayon ni Cansancio kag ginabulong sa hospital si Mahilum.

Yara naman sa kostudiya sang kapulisan si Tiin. | Aksyon Bryan Morden

PONTEVEDRA PNP WALA PA SANG SUSPEK NGA MATUMOD SA PAGTIRO KAG PAGPATAY SA BABAYE

Nagapabilin nga blanko sa suspetsado ang Pontevedra PNP sa pagpatay sa isa ka 48 anyos nga babaye sa Banwa sang Pontevedra tinalikdan nga Sabado sang aga.

Suno sa hepe nga si PCapt. Hancel Lumandas, wala sang ebidensya nga makatudlo ukon makakilala sa mga suspetsado.

Sa gihapon utang ang nagapanguna nga angulo kag motibo ang ginatutokan sang kapulisan, kasunod nga may mga lending ini nga gin-utangan kag may warrant of arrest sadto sa estafa.

Madumduman patay si Melaurie Pagunsan sang ini ang luthangon sang riding in tandem Purok Perez, Barangay 2-Poblacion sa amo nga Banwa. | Aksyon Bryan Morden

MORE STORIES:

LIKE US ON FB

error: Ooops... You are not authorized to copy this content.