PULIS: LALAKI NGA GINLUBONG MALAPIT SA NGCP TOWER ANG GIN-ABDUCT SA SILAY AIRPORT

Share on facebook
Share on google
Share on pinterest
Share on twitter
Share on print

Indi pa ma establisar ni Police Capt. Elmer Bonilla, hepe sang Police Station 7, ang motibo sa pagpatay kay Alex Soberano, 51 anyos nga pumuloyo sang Purok United Roadside Brgy. Tangub, syudad sang Bacolod.

Nasapwan ang patay nga lawas ni Soberano nga nalubong sa idalom sang NGCP Tower sa Purok Katilingban, Barangay Vista Alegre syudad sang Bacolod tinalikdan nga Hulyo 31, 2022.

Suno kay Bonilla, ang biktima gin-abduct sadtong Hulyo 22 sang gab-i sa Silay Airport kag ginkarga sasalakyan nga Innova.

Apat pa ka adlaw ang nakaligad sang ginreport nila sa Silay PNP ang insidente.

Suno kay Bonilla, bag-o lang mag-abot halin sa Manila si Soberano sang ginsugat sang bata ang iya amay.

Pahayag sang hepe, gin-tinguhaan pa nga lagson sang bata sang biktima ang salakyan padulong sa Brgy. Concepcion, Talisay apang wala na niya ini maabtan.

Sa impormasyon sang kapulisan, wala pa lang ka bulan nga nakagwa sa National Bilibid Prison si Soberano sa kaso nga illegal drugs sang matabo ang insidente. | Aksyon Eric Magbanua

What’s your Reaction?
+1
0
+1
0
+1
0
+1
0
+1
0
+1
0
+1
2

GRUPO SANG NEGOSYANTE GINADUSO ANG PAGTUKOD SANG BACOLOD BUSINESS COUNCIL

Gina lauman sang mga negosyante nga iga konsiderar ni Mayor Albee Benitez ang ila hinyo nga magtukod sang Bacolod Business Council nga amo ang maga talakay sang ila luyag ipalab-ot nga mga concern.

Suno kay MBCCI Chief Executive Office Frank Carbon, ini nga proposal ang ila gin paagi sa spokesman sang Alkalde nga si Atty. Bong Dilag.

Dugang pa ni Carbon, ini nga lihok ang naga tuyo nga maka patigayon sang regular nga meeting ang ila hanay upod Alkalde angut sa recovery plan nga mahimo mabulig sang lokal nga gobiyerno.

Suno pa kay Carbon, sa pihak nga na mintinar sang syudad ang alert level status sini kon COVID 19 ang paga hambalan, wala nila sa gihapon ma batyagan ang omento sa dalagan sang negosyo bangud man sang naga padayon nga presyo sang gatong, kuryente kag mga balaklon sa merkado. | Aksyon Art Tayhopon

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.