PULIS: LOVE TRIANGLE MOTIBO SA PAGPATAY SA MAG-ASAWA SA SAGAY

Share on facebook
Share on pinterest
Share on twitter
Share on print

“Love triangle” kag pagpangimon ang nagapanguna nga motibo sa likod sang pagluthang-patay sa mag-asawa sa Purok Cesco, Brgy. Rafaela syudad sang Sagay pasado las 6 sang gab-e sang Sabado, Setyembre 17.

Sa sini nga kaso, patay ang mag-asawa nga ginkilala sanday Hannah Grace Bukaling kag Nobert Simon Bukaling kag pareho nga residente sang Purok Cesco, Brgy. Rafaela sa amo nga syudad.

Suno kay Police Major Roberto Indiape Jr., hepe sang Sagay City PNP, ginsaysay sang pamilya ni Hannah Grace sa kapulisan nga sang nagsugod ang lockdown bangud sang COVID-19 pandemic, wala na makapauli si Nobert Simon sa syudad sang Sagay.

Aminado man ang pamilya sang babaye nga may relasyon sadto si Hannah Grace sa suspetsado nga si Niño Andrin, 33 anyos sang Barangay Paraiso sa amo man nga syudad.

Apang, sang nakapauli na si Nobert Simon sa syudad sang Sagay, gin-aligar nga nagpakig-bulag si Hannah Grace kay Andrin apang nagpamilit ang suspetsado nga padayunon ang ila nga relasyon.

Gin-alegar nga antis natabo ang pagpangluthang, nakabaton na sang pagpamahog si Hannah Grace gikan sa suspetsado.

Sa pihak sang pagpanginwala ni Andrin sa krimen, ginpahayag sang kapulisan nga pasakaan siya sang kaso nga two counts of murder.

Narekober naman sa crime scene ang apat ka basiyo sang kalibre 45 nga armas-luthang kag isa ka wala naglupok nga bala sang kalibre 45 nga armas-luthang.

Ang bata naman sang mag-asawa nga Bukaling nga kaupod sang natabo ang krimen ang ginpaidalom na sa debriefing kag ginkuhaan naman sang affidavit nga magamit bilang ebidensya sa pagpasaka sang kaso. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
1

MORE STORIES:

LIKE US ON FACEBOOK

error: Ooops... You are not authorized to copy this content.