MENU

PULIS MAY PERSON OF INTEREST NA SA PAGPATAY SA EMPLEYADO SANG WATER DISTRICT

  • at 6:51 pm
Share on facebook
Share on pinterest
Share on twitter
Share on print

Ginpahayag ni Police Lieutenant Colonel Lowell Garinganao, hepe sang La Carlota City PNP, may person of interest na sila sa pagtiro-patay sa isa ka empleyado sang water district sa syudad sang La Carlota.

Suno kay Garinganao, ila nahibaluan nga ang salakyan nga gingamit sang suspek iya man personal nga ginapanag-iyahan.

Dugang pa ni Garinganao, base sa ila imbestigasyon ang person of interest posible nga residente lang sa katupad nga banwa.

Ginalantaw nga rason sang kapulisan ang pagdumot sang person of interest batok sa biktima.

Madumduman ang biktima ginkilala sa kay Wilbert Solina nga na assign sa reconnection and disconnection division sang La Carlota City Water District ang ginluthang -patay samtang nagamaneho sang iya motorsiklo sa Barangay Cubay , syudad sang La Carlota.

What’s your Reaction?
+1
0
+1
0
+1
0
+1
1
+1
0
+1
0
+1
0

SALANGA GINDESIGNAR NGA ACTING MAYOR SANG TATLO KA ADLAW

December 6, 2023

Gin designar si Councilor Israel Salanga bilang acting mayor sang syudad sang Bacolod sang tatlo ka adlaw.

Base sa memorandum nga gin isyu ni Mayor Albee Benitez, acting Mayor si Salanga sa Disyembre 5 tubtob 7, 2023.

Si Vice Mayor El Cid Familiaran naman ang magaserbe nga acting Mayor sa Disyembre 8, 2023.

Suno kay Salanga, nagdululungan ang mga aktibidades sang mga opisyal kaangay sang Philippine Councilors League assembly kag nagkadto si Familiaran sa Manila para sa Local Legislative Awards 2023.

Ginpahayag sang konsehal,

Suno sa konsehal, wala man sang importante nga mga butang nga gin bilin ang alkalde.

Si Benitez ang nagbyahe sa Macau, China para sa pagsinapol sang Regional Development Council.

Ini na ang ikaduha nga tion nga gin designar ni Benitez si Salanga bilang acting mayor.

What’s your Reaction?
+1
1
+1
1
+1
0
+1
0
+1
0
+1
0
+1
0

GINAPATIHAN NPA PATAY SA ENKWENTRO SA BINALBAGAN

December 6, 2023

Patay ang isa ka myembro sang New People’s Army matapos ang 5 ka minuto nga engkwentro nga nagluntad sa tunga sang 62nd Infantry Battalion las 5:35 sg aga, Disyembre 6 sa Sitio Caranawan, Barangay Amontay banwa sang Binalbagan.

Suno kay 303rd Brigade Commander BGen Orlando Edralin, wala pa nakilala ang lalaki nga napatay sa engkwentro nga isa sa lima ka persona nga ginapatihan myembro sang Central Negros 1 Komiteng Rehiyon- Negros, Cebu, Bohol kag Siquijor.

Dugang pa ni Edralin, nagpadulong sa lugar ang mga militar bangud sa report nga ila nabaton gikan sa mga pumuluyo nga nagapangilkil ang nasambit nga grupo.

Narecover sang militar ang isa ka rifle kag isa ka caliber 45 nga armas luthang, mga personal nga kagamitan kag pila ka subersibo nga dokumento.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.