PVO MAGATANYAG SANG LIBRE NGA SERBISYO SA GINASAGOD NGA IDO

Share on facebook
Share on pinterest
Share on twitter
Share on print

Magatanyag sang libre nga serbisyo ang Provincial Veterinary Office (PVO) para sa mga ginasagud nga ido sa Negros Occidental, umpisa Abril 16 tubtub 20, 2024.

Ini ang patigayunon sa Negros Occidental Provincial Animal Learning Park and Hospital sa Panaad Park and Stadium syudad sang Bacolod.

Sa una nga adlaw, magatanyag ang PVO sang konsultasyon kag heartworm screening nga bukas para sa mga walk-in nga kliyente kada adlaw.

Sa Abril 20, patigayunon ang libre nga rabies vaccination umpisa alas 8 sang aga tubtub alas 11 sang udto.

Ang sin-o man nga magpabakuna sang ila ido, ang mahimo nga magparehistro sa fb page sang Provincial Animal Learning Park and Hospital.

Ini ang kabahin sa gihapon sa kampanya sang gobyerno probinsiyal nga mapanubo ang kaso sang rabies sa Negros Occidental.

Una diri gindeklarar ang rabies outbreak sa banwa sang Boac kag Buenavista Marinduque.

What’s your Reaction?
+1
0
+1
0
+1
0
+1
0
+1
0
+1
0
+1
0

ISTRAKTURA PARA SA DEAF-MUTE COMMUNITY SA BACOLOD PLAZA, GINAPAKAKAS

Ginmando ni Mayor Albee Benitez ang pagkakas sa estraktura nga ginpahamtang sa isa ka waiting shed sa plaza publika sang Bacolod, sa kilid sang dalan San Juan.

Suno kay City Legal Officer Atty. Romeo Carlos Ting Jr., ginpangabay na sang alkalde ang Department of Social Services and Development (DSSD) kag General Services Office (GSO) nga pangitaan sang lugar nga masayluhan ang mga miyembro sang Deaf-Mute Community of Bacolod nga amo ang naghangyo sa syudad nga mausar ang waiting shed bilang learning center.

Dugang pa ni Ting, nagligad pa nga tuig sang nagpangabay ang grupo sa syudad apang wala lamang mamonitor sang maayo nga nagpatukod na ang mga ini sang estraktura.

Suno kay Ting, wala na ginatugutan ang anu man nga estraktura sa plaza, bangud ini ang ginaplanuhan nga ipaidalom sa major renovation. | Dolly Yasa Photo/FB

What’s your Reaction?
+1
2
+1
0
+1
0
+1
0
+1
0
+1
0
+1
0

BCPO MAGABULIG SA PAGPATAHOM SA GIN-VANDALIZE NGA LUGAR SA BACOLOD

Magabulig patahom sa gin-vandalize nga lugar sa Bacolod ang Bacolod City Police Office (BCPO) sa pagpanguna ni BCPO City Operations Management Unit Chief PLt. Col. Lester Leada.

Ginpahayag ni Leada, nakigsapol siya upod kay Bacolod City Administrator Dr. Lucille Gelvolea kag iban pa nga stakeholders angot sa plano nga pagpatahom sa mga vandalized areas.

Suno kay Leada, nagapakig-angot na sila sa siudad agud ma-identify ang mga lugar nga apektado sang vandalism.

Nahibaloan, ang anti-vandalism campaign sang BCPO ang ginahimo nga tikang agud mabuligan ang siudad para sa ginaduso nga mangin Super City ang Bacolod.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.