RADIO ANCHORMAN, PATAY MATAPOS GINBUNO SA MABINAY, NEGROS ORIENTAL

Share on facebook
Share on pinterest
Share on twitter
Share on print

Patay ang radio anchorman matapos ginbuno sa Barangay Himucdungon, banwa sang Mabinay probinsya sang Negros Oriental gab-e sang Setyembre 18.

Ang biktima ginkilala kay Renato Blanco, legal ang edad kag residente sang Barangay 2 syudad sang Bais samtang ang suspetsado ginkilala kay Charles Amada, 48 anyos.

Si Blanco ang nagatrabaho bilang anchorman sa 102.1 DYRY FM sa Mabinay.

Suno kay Police Lt. Rolando Lavisto, Spokesperson sang Negros Oriental Police Provincial Office (NORPPO), nagbisita si Amada sa iya abyan nga si Wilbert Amada, nga utod sang suspetsado.

Dugang pa ni Lavisto, nag abot si Charles sa balay sang iya nga utod kag gulpi nga ginbuno sang madamo nga beses si Blanco.

Palayag pa ni Lavisto, may madugay na nga kaakig si Amada kay Blanco bangud nga sadto ginapakamalaot sini ang iya bayaw nga sadto nagserbi bilang Presidente sang Negros Oriental Electric Cooperative.

Nagsungka naman si Amada sa iya bayaw nga si Kapitan Josephine Amada kag karun priso sa custodial facility sang Mabinay Police Station.

Kaso nga murder ang ginpasaka sang kapulisan batuk kay Amada. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

1,387 KA PULIS SA PRO-6 MAGA AUGMENT SA BCPO PARA SA MASSKARA 2022

Kapin 1,387 ka kapulisan gikan sa nagkalain-lain nga units sang Police Regional Office (PRO)-6 ang natalana nga i-augment sa Bacolod City Police Office (BCPO) sa palaabuton nga inadlaw.

Ini man ang magadugang sa security force sang BCPO bangud sang nagapadayon nga Masskara Festival 2022.

Suno kay Police Major Mary Grace Socorro Borio, Spokesperson sang PRO-6, gin-desisyonan sa pagsinapol kahapon (Oktubre 3) nga tungaon sa tatlo ka batch ang pagpadala sang augmentation sa BCPO agud indi man maapektuhan ang trabaho sa iban nga units sang PRO-6.

Dugang pa ni Borio, sa 1,387 nga natalana i-augment; 1,345 diri ang mga Police Non-Commissioned Officers (PNCOs) samtang 42 naman ang Police Commissioned Officers (PCOs).

Kalabanan sa mga kuhaon nga PNCOs amo ang mga bag-o nagtapos sang ila nga training.

Target sang PRO-6 nga malambot ang 2,229 nga PNP personnel requirement basi sa security plan para sa Masskara Festival 2022.

Ginklaro naman ni Borio nga kalakip na sa 1,387 nga augmentation ang ipadala sang Negros Occidental Police Provincial Office (NOCPPO). | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

TOP 2 MOST WANTED PERSON SANG CADIZ PNP, ARESTADO

Dakop ang Top 2 Most Wanted Person sang Cadiz City PNP pinaagi sa pagserbi sang warrant of arrest sa Purok Narra 1., Brgy. Tinampa-an, syudad sang Cadiz pasado las 2 sang hapon, Lunes (Oktubre 3).

Ang nadakpan ginkilala kay Bernardo Dolorosa Jr., 62 anyos kag residente man sang amo nga lugar. Si Dolorosa ang may warrant of arrest sa kaso nga pagpang-abuso.

Ang warrant of arrest batuk kay Dolorosa ang ginpapanaug sadtong Setyembre 27 ni Honorable Judge Gwendolyn Jimenea, ang Presiding Judge sang Regional Trial Court Brang 60 sa syudad sang Cadiz.

Samtang, 200,000 pesos ang pyansa nga gintalana sang korte para sa temporaryo nga kahilwayan ni Dolorosa nga priso karun sa custodial facility sang Cadiz City PNP. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.