REGISTRATION SANG 49 KA MGA RESIDENTE SANG BARANGAY MANSILINGAN, GIN KWESTYON; 11 NANINDUGAN NGA RESIDENTE SILA SA LUGAR

Share on facebook
Share on google
Share on pinterest
Share on twitter
Share on print

Nakigkita sa secretary sang Barangay Mansilingan, syudad sang Bacolod ang onse ka persona agod tinlu-an ang ila ngalan may kaangtanan sa petisyon sang ila residency.

Una diri, nag-file sang petisyon si Barangay Mansilingan Secretary Edward Meneses batuk sa 49 ka mga botante, sa Comelec Election Regulation Board bangod sa isyu nga wala ang mga ini naga istar sa Purok nga ila ginbutang sa record.

Suno kay Salvador Ysulan, isa sa mga gin-petisyunan, tuyo sang ila pagkadto agod mahibaluan kon ano ang rason ni Meneses sa pag-file sang petisyon.

Nanindugan si Ysulan nga madugay na sila nagatiner sa lugar nga sakop sang Barangay kag may mga dokumento ang mga ini bilang suporta sang ila panindugan.

Gin abi abi ni Meneses ang pagkadto sang pila ka persona nga iya ginpa-petisyonan sa tuyo nga maklaruhan ang records nga ila na-uyatan.

Suno kay Meneses, nausisa na ang records sang 11 kag nahatag naman ang matuod nila nga lugar nga gina istaran.

Sa karon, ginahulat ni Meneses ang 38 pa ka persona nga iya ginpetisyonan agod makay-o ang ila nga records.

Samtang, plano ni Meneses nga i-withdraw ang petisyun batok sa 11 nga nagkadto sa iya opisina agod maklaro ang ila ngalan. | Aksyon Alvin Grava

BACOLOD LIWAT IPATUMAN ANG NO-WALK IN POLICY SA VACCINATION SITES SA TATLO KA MALL

(SM City Bacolod, July 26, 2021)

Liwat nga ipatuman sang Bacolod Emergency Operations Center ang no walk-in policy sa mga vaccination area sa tatlo ka mall sa syudad sang Bacolod umpisa bwas nga adlaw, Hulyo 27.

Ini kasunod sang pagdamo sang tawo sa pagpadulong sa SM Bacolod, Ayala Mall kag Robinsons kag wala na natuman ang social distancing.

Las 12 sang udto sang subong nga Lunes nga adlaw, na lab-ot na sang syudad ang maximum nga numero sang mga vaccinees sa tatlo ka mall.

Suno kay City Administrator Em Ang, sumugod Hulyo 27, istrikto nga ipatuman ang ini nga sistema kag kon wala sang appointment ukon schedule, indi sila pag akomodahon sa pagpabakuna.

Ginpahayag ni Ang, nga Lunes sang aga madamo na sang nagapila sa mga entrance sang SM Bacolod kag wala nagakooperar ang publiko kag ini ang posible mangin breeding ground sang virus.

Suno sa City Administrator, ang pagdamo sang tawo ang bangud sa backlog nga isa ka semana para sa second dose sang Sinovac vaccine.

Tinalikdan nga semana sang gin patuman sang Bacolod ang walk-in sa mga vaccination area sa mall.

ISA PATAY SA PAGBUNGGO SANG MOTORSIKLO SA TRUCK

Ginbawian sang kabuhi ang driver sang motorsiklo samtang pilason angkas sini sa aksidente nga nagluntad sa Sitio Bunacan, Barangay Salamanca, Banwa sang Toboso Domingo sang hapon.

Ang napatay ginkilala kay Rey Cansancio, 34 anyos nagapuyo sa Siito Bankerohan, ang pilason ginkilala kay Jimmy Mahilum, 61 anyos nagapuyo sa Sitio Tiguib, samtang ang suspetsado ginkilala naman kay Vincente Elmer Tiin, 53 anyos nagapuyo sa Crossing Salamanca sa amo nga Barangay.

Suno kay PCapt Paul Kenneth Magan, naglapaw sa kurbada nga bahin sang dalan ang ginamaniho nga motorsiklo sang napatay kag nasugata ang nagapadulong nga truck.

Dugang ni Magan, gin tinguhaan pa sang driver sang truck likawan ang motorsiklo, apang nalab-ot ini kag agkalatumba, rasun sa kamatayon ni Cansancio kag ginabulong sa hospital si Mahilum.

Yara naman sa kostudiya sang kapulisan si Tiin. | Aksyon Bryan Morden

MORE STORIES:

LIKE US ON FB

error: Ooops... You are not authorized to copy this content.