Magapatuman sang temporary rerouting kag road closure ang Bacolod Traffic Authority Office (BTAO) para sa patigayunon nga Christmas Festival of lights subong nga adlaw, Dominggo.
Sa interview sa Aksyon Firing Line, ginpahayag ni BTAO Head Police Major Junji Liba nga tungod madamo ang magapartisipar sa parada, halin las 2 sang hapon, ang bangga Ramos tubtub 19 Street ang sirad-an kag ang tanan nga salakyan nga Southbound ang i-divert sa dalan Aguinaldo kag Gatuslao.
Suno pa kay Liba nga pag abot las 5 sang hapon, sirado na halin ang bilog nga dalan Lacson padulong sa dalan Rizal tungod ang direksyon sang parada ma right turn siya sa Rizal kag pag abot sa corner Gastuslao -Rizal, maga-left turn kay diri masulod sa main entrance sang main plaza.
Magadepende naman ang road closure sa kalawigon sang parada.
Samtang, ginpasiguro ni Liba nga napahamtang na ang tanan nga traffic enforcers agod magabay sa mga motorista sa mga inoras nga may re-routing kag road closure. | Aksyon Ann Defensor
