Patay ang 17 anyos nga rugby boy matapos gintiro sang dise-sais anyos upod man nga rugby boy sa Pamandayan Purok Saturn Brgy. Singcang syudad sang Bacolod sang Myerkules sang gab-i, Hunyo 22.
Ang biktima ang may pilas sang pagluthang sa tyan kag gindala sa Corazon Locsin Montelibano Memorial Regional Hospital apang napatay alas-onse sang gab-i.
Samtang nagpalagyo naman ang suspetsado matapos ang insidente.
Suno kay Police Major Joery Puerto, hepe sang Police Station 8, na-akig ang suspetsado sa biktima matapos wala niya madala ang ginpabakal nga rugby.
Dugang pa ni Puerto, napierde sa tinapungolay ang suspetsado rason nagpauli ini kag nagkuha sang pengun kag gintiro ang biktima nga nagresulta sang iya kamatayon.
Suno sa hepe, masami ginasakit sang ginikanan ang suspetsado samtang napriso naman sa illegal nga druga ang ginikanan sang biktima. | Aksyon Eric Magbanua
