SAN CARLOS FIRE SUBSTATION, GIN INAGURAHAN

Share on facebook
Share on pinterest
Share on twitter
Share on print

Handa na sa magserbisyo ang San Carlos Bureau of Fire Substation nga napahamtang sa Barangay 1, syudad sang San Carlos nga gin-inagurahan kahapon.

Suno kay BFP-Negros Occidental Provincial Fire Marshal FSupt. Kim Celisio, ang inagurasyon ginpangunahan ni BFP6 Director Chief Supt. Jerry Candido kag LGU sang syudad.

Dugang pa ni Celisio, ini ang nahauna nga fire-substation sa syudad sang San Carlos matapos nagdonar sang duta ang pamunuan sang Brgy. 1, nga ginpangunahan ni Punong Barangay Joselito Lopez.

Ginpalab-ot nanday Candido kag Celisio ang pagpasalamat kay San Carlos City Mayor Renato Gustilo para sa 1,500 Square meter nga patindugan sang bag-o kag moderno nga central fire station nga natalana ipatukod sa masunod nga tuig. | Aksyon Alvin Grava

What’s your Reaction?
+1
0
+1
0
+1
0
+1
0
+1
0
+1
0
+1
0

DUHA KA LALAKI KAG ISA KA MENOR DE EDAD, NADAKPAN SA BUY-BUST OPERATION SA SILAY

Narekober ang masobra 95,000 pesos nga balor sang ginasuspetsuhan shabu sa buy bust operation sang Silay City PNP sa Sitio Dacutan Dacu, Brgy Mambulac, syudad sang Silay pasado las 2 sang hapon, Oktubre 3.

Ang mga nadakpan amo sanday Myco Galleno, 37 anyos; Jaynel Siason, 19 anyos kag isa ka menor de edad nga lunsay residente sang Sitio Dacutan Dacu, Brgy Mambulac, sa amo man nga syudad.

Suno kay Police Lt. Col. Mark Anthony Darroca, hepe sang Silay City PNP, si Galleno nga isa ka street level individual ang subject sang buy bust operation.

Dugang pa, si Galleno ang Top 6 man sa drugs watchlist sang Silaty City PNP. Nakumpiskar kay Galleno ang siyam ka sachet sang ilegal nga droga kag isa ka sulpak.

Samtang, nakuha naman sa menor de edad ang 5 ka sachet sang ginasuspetsuhan shabu.

Sa kabug-usan, 14 ka gramos sang ginasuspetsuhan shabu ang narekober sang kapulisan nga ginabulubanta nagabalor sang 95,200 pesos. Kaso nga paglapas sa layi nga nagadumili sa pagbaligya kag paghupot sang ilegal nga droga kag paghupot sang ilegal nga armas ang pangatubangon sang tatlo ka mga nagkaladakpan. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

SHORT TERM KAG LONG TERM SOLUTIONS SA PAGBAHA SA BACOLOD, GINTALAKAY

Na identify sang syudad sang Bacolod ang 22 tanan ka mga ‘critical areas’ nga ginbaha kasunod sang pagbunok sang ulan kahapon, Lunes nga adlaw, Okrubre 3.

Ini ang natumod paagi sa ginpatawag nga pagsinapol ni Mayor Albee Benitez kaupod ang DPWH, Bacolod CDRRMO, City Engineer’s Office kag si Vice Mayor El Cid Familiaran kaina sang aga, Martes.

Ini nga mga lugar ang makit-an sa Hi-Strip, SM City, Brgy. 12, Burgos-Hilado St., Downtown Area , Gonzaga Subd., Brgy. Villamonte, Libertad Public Market, Central Market, Lacson-Hernaez St., Rosario-Mabini St., Gonzaga-Lopez Jaena, Luzuriaga-Gatuslao St., Gonzaga-Mabini St., Lopues East, Lupit River, Brgy.40, Mandalagan River, Sta. Ana, Brgy. 31, J.R. Torres, Gatuslao-Hernaez St., Mabini-Libertad St., Hernaez St. malapit sa Cokin Bldg., Magsaysay sa Flyover kag Magsaysay – Lacson St.

(BCD PIO Photo)

Ginpahayag ni Dr. Anna Maria Laarni Pornan, head sang CDRRMO, naghimo sila sang short-term kag long term solutions para ma solusyunan ang problema sa baha.

Ang short term plans ang ginalakipan sang pag-ilis sang manhole cover nga mangin steel grating type, declogging sang drainage systems, pagpadako sang water inlets, pagpalapad sang opening sang mga catch basins, pagpatuman sang maayo kag strikto nga pag-implementar sang -pagkuha kag paghaboy sang basura sa mga barangay, kag paghatag sang pahibalo sa mga stakeholder.

Ginpahayag ni Pornan, nga para sa long-term plan, may ipahamtang nga mga diversion channels para dire ma release ang tubig kag magapakig-angut man ang syudad sa DPWH Bacolod District Engineering Office bangud kalabanan nga proyekto ang napaidalum sa sini nga ahensya.

Natalana pa liwat nga magasapol ang natungdan nga mga opisina para maplastar ang mga solusyon sa pagbaha.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.