Una nasampolan si Security Guard Chris Villegas sang Resurgens Security Agency nga pumuloyo sang Barangay Galicia, Banwa sang Ilog.
Si Villegas ang una nga persona naglapas sang Comelec Gun Ban matapos ginreklamo sang iya upod nga si Security Guard Gaudioso Delos Santos.
Suno kay Police Major Joery Puerto, hepe sang Police Station 8, hubog nga nagkadto si Villegas sa parking lot sang IPM-CDC sa Barangay Tangub syudad sang Bacolod kag ginkonprontar si Delos Santos.
Suno kay Puerto, ginapangita ni Villegas ang 9mm pistol issued fire arms sa iya upod kag sang wala ini makita nagpalupok sang iya armas luthang nga 38 caliber revolver.
Dugang pa ni Puerto, may kalain buot si Villegas sa iya gina-obrahan nga security agency bangod sang gamay kag delayed nga sweldo.
Kaso nga grave threat, illegal possession of firearms kag paglapas sang Comelec Gun Ban ang gina-atubang nga kaso ni villegas nga priso sa custodial facility sang Police Station 8. | Aksyon Eric Magbanua