Pilason ang isa ka senior citizen nga drayber sang trailer truck matapos nga magbunggo-anay ang ginamaneho sini nga salakyan kag ang isa ka mitsubishi delica van sa dalan Circumferential, Brgy.Mandalagan mga takna las 8:30 kagab-i, Hwebes.
Ginkilala ang drayber sang trailer nga si Jeoffrey Velasco, 65 anyos kag nagapuyo sa Brgy.Alijis.
Suno kay Velasco gikan siya sa syudad sang Talisay kag padulong sa Bacolod City samtang nagasugata naman ang Delica.
Palayag sang drayber sang trailer nga gin-agaw sang van ang iya nga dalan rason nga nabunggo-an ya ini kag gin waslik ang gina maneho nga truck sa pader.
Si Velasco ang nakaangkon sang laceration sa iya nga agtang kag gindala na sa ospital sang rescuers.
Ginbutangan naman sang Bacolod City Police Station 3 sang early warning device ang lugar sang insidente kun sa diin nahamtang ang trailer agud malikawan ang aksidente. | Aksyon Zil Menardo
