SENIOR CITIZEN, PATAY SA SUNOG SA KABANKALAN

Share on facebook
Share on pinterest
Share on twitter
Share on print

Patay ang isa ka senior citizen sa sunog nga nagluntad sa Purok Campilisan, Brgy Oringao, syudad sang Kabankalan pasado las 10 sang gab-e sadtong Enero 17.

Ang biktima ang ginkilala kay Marlyn Amblosa, 74 anyos, balo kag residente man sang amo nga lugar.

Suno kay F03 Edwin Villaruz, imbestigador sang Bureau of Fire Protection (BFP)-Kabankalan, wala makagwa si Amblosa sang nasunog ang iya puluy-an.

Ginpahayag man sang mga kaingod ni Amblosa nga nakabugtaw na lamang sila sang nakabati na sila nga nagapangayo sang bulig ang biktima.

Dugang pa, tuman na kadalagko ang kalayo nga nagalamon sa balay ni Amblosa sang nakadtuan ini sang mga residente.

Ginsindihan nga mitsa ang ginalantaw sa karun sang mga otoridad nga ginhalinan sang kalayo.

Sa karun, wala pa man matumod ang bili sang kahalitan nga gintuga sang sunog. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.