SENIOR CITIZEN, PATAY SANG GIN ATAKE SA KURASON BANGUD MAY NAGPALUPOK SANG ARMAS LUTHANG; SUSPEK GINPASAKAAN KASO NGA ALARM AND SCANDAL

Share on facebook
Share on pinterest
Share on twitter
Share on print

Patay ang isa ka senior citizen matapos gin-atake sa kurason bangud sang asud-asud pagpalupok sang armas-luthang sa Hda. De Agua, Brgy. Cubay, syudad sang La Carlota sadtong Enero 21 sang gab-e.

Ang napatay ang ginkilala kay Nador Guitguit, 66 anyos, kasado kag residente man sang Brgy. Cubay, sa amo nga syudad.

Suno kay Police Lt. Col. Lowell Garinganao, hepe sang La Carlota City PNP, nakabati sang nilupok sang armas si Guitguit kag siya ang kinulbaan tubtob nga gin-atake sa kurason kag nabudlayan maginhawa.

Ginhingagaw pa nga madala sa Don Salvador Benedicto Memorial District Hospital sa syudad sang La Carlota si Guitguit apang siya ang gindeklarar nga dead on arrival ni Dr. Joel Stephen Auguis.

Dugang pa ni Garinganao, ang pagpalupok sang armas ang nagluntad malapit sa balay ni Guiguit kun sa diin may nagakinanta kag nagasinadya.

(La Carlota PNP Photo)

Si Romel Maquilat, 39 anyos, isa ka farm manager kag residente sang Hda. Rodriguez, Brgy. Camangcamang, banwa sang Isabela, amo ang suspek sa krimen.

Matapos ang pagpalupok sang iya nga armas, nagpanago si Maquilat sa iya nga kwarto kag naglapaw isa ka oras ang negosasyon antis siya nagsungka sa kapulisan.

Ginpanginwala sang suspek nga nagpalupok siya sang armas.

Suno kay Garinganao, gina-aligar ni Maquilat nga palupok lamang ang gingamit sini agud sawayon ang mga nagaginahod sa ila nga lugar.

Apang, sa imbestigasyon sang kapulisan, gin-pahayag sang mga saksi nga armas gid ang gingamit ni Maquilat kag gintaya pa niya ini sa babaw.

Sa karun, ginapaidalom sa paraffin test si Maquilat agud mahibalon kun nagpalupok siya sang armas.

Kaso nga alarm and scandal ang ginpasaka sang kapulisan batuk kay Maquilat nga karun nagapabilin sa custodial facility sang La Carlota City PNP.

Samtang, wala pa natumod sang kapulisan kun mapasakaan sang kaso si Maquilat may angut sa kamatayon sang senior citizen nga nagapanindugan nga ang pagpalupok niya sang armas ang ginkamatay sang biktima. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

PASTRANA NAGKLARO NGA INDI MATUOD NGA IMBOLBADO SA DROGA ANG PULIS NGA NALAKIP SA 22 KA NGALAN NGA GINAAKUSAR

Ginkumpirmar ni Captain Jonito Pastrana, hepe sang Police Station 2, nga isa ka ngalan sang pulis nga alyas RR ang nalakip sa listahan nga gina akusar nga konektado sa droga.

Madumduman, ang alyas nga RR ang nalakip sa 22 ka mga ngalan nga gina akusahan nga pusher ukon protektor sang droga nga nakita kaupod sa duha ka utod nga kamot sa Purok Kagaykay, Barangay 2.

Suno kay Pastrana, iya ginakabig nga labugay lamang ang listahan bangud iya personal nga kilala si RR nga sadto corporal ang ranggo kag karon na promote bilang Staff Sergeant.

Ginpahayag sang hepe, nga bisan ang mga kaupdanan nga pulis ni RR ang makahatag sang testimoniya nga indi ini imbolbado sa iligal nga droga.

Ginkumpirmar ni Pastrana nga si RR karon ang naga schooling kag nakadakop sang tatlo ka drug personality nga nalakip man sa amo nga listahan.

Samtang, wala na sang may nagdugang nga persona nga yara man sa listahan ang nagdangop sa Barangay kag Police Station 2.

What’s your Reaction?
+1
0
+1
0
+1
0
+1
0
+1
0
+1
0
+1
0

KABANKALAN PNP BLANGKO PA SA SUSPEK SA PAGPATAY SA DUHA KA LALAKI

Blangko pa Kabankalan City PNP sa identity sang suspetsado sa pagpatay sa mag-abyan nga sanday Erwin Colorado kag sa 16 anyos nga soltero matapos makapila ka beses nga ginbuno tubtub napatay Byernes nga adlaw, sa Purok Pili, Brgy 6, syudad sang Kabankalan.

Suno kay PCapt Dennis Melgarejo, deputy Chief of Police sang Kabankalan PNP nga sa inisyal nga pagpangusisa, antis natabo ang insidente, ulihi nga nakaupod sang duha ka mga biktima ang isa pa nila ka abyan nga karon ginakonsiderar nga person of interest.

Dugang pa ni Melgarejo, wala na sa barangay Biniquil ang abyan sang mga biktima matapos natabo ang pagpatay.

Ginpahayag man Melgarejo nga sa ikaduha nga tion, liwat naman napaslawan ang kapulisan matapos wala naabtan kagab-i sa banwa sang Isabela ang ila person of interest nga ginapatihan nagpalagyo pila lamang agwat antes ang pag abot sang kapulisan.

Nagapabilin nga blanko sa motibo sa pagpatay. | Aksyon Alvin Grava

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.