Ginhatag na sang Local Government Unit sang Sipalay City ang duha ka ektarya nga duta sa Central Philippines State University-Sipalay Campus kung sa diin ini nahamtang sa subong .
Nagbisita kahapon nga adlaw ,Agosto 4, 2022 sa Opisina sang alkalde sanday State Universities kag Colleges President II Aladino Moraca, Campus Administrator Ervin Ferraris, CPSU Executive Assistant Victoria Besana, Quality Assurance Director Dr.Grenny Juangco kaupod sa mga Dean nga si Riza Stephanie Alfaras kag Marcel Bachiller nga nag diskusyon sang dugang nga kurso sa CPSU-Sipalay Campus kag importante nga mga butang nga makapaayo indi lamang sa syudad sang sipaly kundi pati na sa bug-os nga probinsya.
Kadungan sang nasambit nga kahiwatan, gin hiwat man ang Graduation Ceremony sang CPSU-Sipalay kung sa diin bilang representante ni Mayor Gina M.Lizares gin hatag ni Executive Assistant Engr.Praem Mediodia ang plaka nga nagapamatuod nga ang eskwelahan na ang nagapanag-iya sang gin donar nga duta .
Ginpalambot man ni EA Mediodia ang mensahe sang alkalde nga gapanginbulahan sa nga nag gradwar.
Dugang pa ni Mediodia nga ang pagtu-on indi mag-untat pagkatapos mag gradwar kundi magapadayon samtang sila nagapangabuhi. | Aksyon Zil Menardo
