SK CHAIR SA TOBOSO, PATAY MATAPOS MAKURYENTE

Share on facebook
Share on pinterest
Share on twitter
Share on print

Patay ang SK Chairman sang Sitio Malig-on Barangay Bandila banwa sang Toboso matapos nakuryente sini nga aga, Mayo 8.

Suno kay Ricky Mahinay Responder sang Municipal Disaster Risk Reduction Management Office sang banwa, las 8:14 sang nakabaton sila sang tawag nga na kuryente si Renan Tapang, 23 anyos matapos nag ilis sang bumbilya sang suga sa ila balay.

Dugang pa, pag abot sa lugar, nakita nila nga basa ang kamot ni Tapang sang nag ilis sang bumbilya rason nga nakuryente.

Upod ni Tapang sa ila balay ang iya asawa kag bata kag sa pag abot sang mga responders, wala pa na patay ang main switch kag ara pa sa kamot ni Tapang ang kuryente.

Suno kay Mahinay, wala man sila may nakita nga sunog ukon pilas sa lawas.

Ginhingagaw pa dala sa Sagay Marañon hospital apang gindeklarar nga patay na.

What’s your Reaction?
+1
0
+1
0
+1
0
+1
0
+1
0
+1
0
+1
0

ISTRAKTURA PARA SA DEAF-MUTE COMMUNITY SA BACOLOD PLAZA, GINAPAKAKAS

Ginmando ni Mayor Albee Benitez ang pagkakas sa estraktura nga ginpahamtang sa isa ka waiting shed sa plaza publika sang Bacolod, sa kilid sang dalan San Juan.

Suno kay City Legal Officer Atty. Romeo Carlos Ting Jr., ginpangabay na sang alkalde ang Department of Social Services and Development (DSSD) kag General Services Office (GSO) nga pangitaan sang lugar nga masayluhan ang mga miyembro sang Deaf-Mute Community of Bacolod nga amo ang naghangyo sa syudad nga mausar ang waiting shed bilang learning center.

Dugang pa ni Ting, nagligad pa nga tuig sang nagpangabay ang grupo sa syudad apang wala lamang mamonitor sang maayo nga nagpatukod na ang mga ini sang estraktura.

Suno kay Ting, wala na ginatugutan ang anu man nga estraktura sa plaza, bangud ini ang ginaplanuhan nga ipaidalom sa major renovation. | Dolly Yasa Photo/FB

What’s your Reaction?
+1
2
+1
0
+1
0
+1
0
+1
0
+1
0
+1
0

DA 6: POSIBLE NA MAGPATIGAYON SANG CLOUD SEEDING SA NEGROS OCCIDENTAL

Posible na ang pagpatigayon sang cloud seeding operations sa Negros Occidental.

Ini ang ginpahayag ni Department of Agirculture Assistant Regional Director Engr. Jose Albert Barrogo.

Sa phone patch interview, Myerkules, ginpahayag ni Barrogo, nga may nakit-an na nga seedable clouds sa probinsya rason nga posible na ang pagpatigayon sang cloud seeding.

Isa sa ginatan-aw ni Barrogo nga hangkat amo ang pondo sa cloud seeding nga magalambot sa 6 milyones pesos.

Suno kay Barrogo, nagpadulong si Regional Director Dennis Arpia sa Manila para magpangabay sang pondo sa office of the secretary sang DA.

Ginklaro ni Barrogo, nga sakop sang sini nga cloud seeding ang bug-os nga Western Visayas.

Ginpahayag ni Barrogo, may mga pag-ulan na nga ma eksperiensyahan pero pila lamang ka minutos pero magapabilin pa sa below normal ang temperatura sa bulan sang Mayo tubtob Hunyo 2024.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.