SOLTERO, NAKUHAAN SANG 1.3M NGA DROGA SA BRGY. SINGCANG-AIRPORT

Share on facebook
Share on google
Share on pinterest
Share on twitter
Share on print

Arestado ang 25 anyos nga soltero sa Purok Neptune Barangay Singcang Airport sa buy-bust operation kaina sang kaagahon, Hwebes.

Ginkilala ni City Drug Enforcement Unit head Police Lt. Joven Mogato ang suspetsado nga si Gerald Barillo nga pumuloyo sang nasambit nga lugar.

Nakuha kay Barillo ang 205 gramo nga shabu nga nagabili sang 1.3 million pesos. Suno kay Mogato, si Barillo ang nagsalo sang tanan nga stock sang shabu sa mga persona nga una nadakpan sang kapulisan sa buy-bust operation.

Wala sa drug watchlist sang CDEU ang ngalan ni Barillo pamatuod nga bag-o lang ini nagsulod sa negosyo nga pagbaligya sang druga.

Suno kay Mogato gina retail ni Barillo ang shabu sa diin may nagakuha sa iya sang stock gamit ang motorsiklo. | Aksyon Eric Magbanua

What’s your Reaction?
+1
0
+1
0
+1
0
+1
0
+1
0
+1
0
+1
0

TOP 3 MOST WANTED PERSON SA CAUAYAN, GIN ARESTO

Dakop ang Top 3 Most Wanted Person sang Candoni PNP pinaagi sa pagserbi sang Warrant of Arrest sa Barangay Camindangan, banwa sang Cauayan tinalikdan nga adlaw Hunyo 26.

Ang nadakpan ang ginkilala kay Jerry Patorla alyas Gimoy, 34 anyos kag residente sang Sitio Lin-ab, Barangay Camindangan, banwa sang Cauayan.

Suno kay Police Major Ronald Santillan, si Gimoy ang gin-aresto bangud sang warrant of arrest sa kaso nga “murder” nga ginpapanaug ni Hon. Rodney Z. Magbanua ang Presiding Judge sang Regional Trial Court, Branch 61, sa syudad sang Kabankalan.

Wala sang piyansa nga gintalana ang korte para sa temporaryo nga kahilwayan ni Patorla nga karun nahunong sa custodial facility sang Candoni Municipal Police Station. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

LALAKI NGA GINAREKLAMO BANGUD SA PAGPANGAWAT, GINTIRO PATAY SA PALANCA ROAD, BACOLOD

Patay ang 37 anyos nga lalaki matapos ginluthang sa Palanca Road, Barangay 8, syudad sang Bacolod pasado las 3:30 kaina sang hapon, Martes.

Ang napatay ginkilala sa kay Mark Borbon Dicolongon kag residente sang Purok Woodstock, Barangay Tangub, syudad sang Bacolod.

Nakaagom sang pilas sa liog kag dughan si Dicolongon kag na-recover sa eksena sang insidente ang pila ka basiyo sang kalibre 45 nga armas luthang.

Sa interview sa Aksyon Radyo, ginpahayag ni Police Captain Paul Vincent Pendon, hepe sang Police Station 2, pagtimalos ang ginalantaw nga motibo sa pagpatay kay Dicolongon.

Nagapati si Pendon nga sa basurahan mismo gintiro si Dicolongon tungod sa nakit-an nga ilig pa sang dugo.

Isa naman ka gwardiya ang nakabati sang tatlo tubtub lima ka lupok kag sang ginlantaw, isa ka motorsiklo ang gikan sa lugar kag nagpadulong sa norte nga direksyon.

Naggwa sa imbestigasyon sang Police station 2 nga madugay na nga ginareklamo sa kaso sang pagpangawat ang biktima.

Suno sa hepe, base sa background ni Dicolongon, nga gin alegar sang mga tiyo kag tiya nga madugay na nila ginsaway ini nga mag untat na sa pagpangawat apang wala ini nagpamati.

Gin alegar man sang mga himata nga ang kada kinawatanan ni Dicolongon, iya ini ginabaligya kag ang benta, ginabakal naman sang shabu.

Dugang pa ni Pendon, madamo nga mga tagreklamo ang nagkilala kay Dicolongon nga amo ang suspetsado sa pagpangawat ilabi na sa mga driver sang truck nga naga-park sa BREDCO.

Gin ehemplo ni Pendon ang ginhimo ni Dicolongon nga pagpangawat sang Dominggo nga adlaw sa isa ka truck driver nga ginkuha ang bag nga may unod nga cellphone, 12,000 pesos kag tatlo ka mga dilargo.

Ini na ang ika-13 nga kaso sang pagpangluthang sa Bacolod subong nga Hunyo 2022. | Aksyon Ann Defensor, Aksyon Zil Menardo

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.