MENU

SOLTERO, PATAY MATAPOS GINLABO SANG IYA TIYO SA MURCIA

  • at 4:39 pm
Share on facebook
Share on pinterest
Share on twitter
Share on print

Patay ang isa ka soltero matapos ginhatok-hatok sang labo sang iya nga tiyo sa Purok Guinam-an, Barangay Minoyan banwa sang Murcia las 10 sang gab-e sadtong Domingo, Enero 22.

Ang biktima ang ginkilala kay Lito Pabrua, 42 anyos samtang ang suspetsado naman ang ginkilala kay Francisco Roce,59 ang edad kag pareho nga residente sang Barangay Minoyan.

Suno kay Police Major Marc Joeil Reclamado, hepe sang Murcia PNP, ulihi na nga nareport sa kapulisan ang krimen bangud tuman ka layo sang crime scene nga sa pagbulubanta sang kapulisan halos apat ka oras ang lalakton antis makaabot sa area.

Dugang pa ni Reclamado, upod nga naga-inom sa balay sang suspetsado si Pabrua antis natabo ang krimen.

Naglalisay sanday Pabrua kag Roce bangud sang ila dumaan nga inaway tubtob nga nagpangakig ang suspek kag ginlabo ang biktima sa nagkalain-lain nga bahin sang iya nga lawas.

Dead on the spot si Pabrua samtang nagsungka naman sa kapulisan si Roce. | Aksyon John Diaz

What’s your Reaction?
+1
1
+1
0
+1
0
+1
4
+1
1
+1
0
+1
0

COUNCILOR SAYSON MAY PAATHAG SA 35M NGA PONDO SANG SAFETY SEAL ORDINANCE

September 25, 2023

Ginpahayag ni Councilor Jude Thaddeus Sayson, chair sang committee on finance and appropriation, nga ‘budgetary requirement’ lamang ang 35 milyones pesos nga pondo sa pagpatuman sang Safety Seal Ordinance sang LGU.

Ini ang gin aprubahan nga ordinansa sang konseho sa tuyo nga malikawan ang pagpameke sang dokumento magluwas pa sa ginabutang nga QR code.

Sa press conference, Lunes, ginpahayag ni Sayson, indi lamang isa ka tranche ang pagpatuman sang 35 milyones pesos kundi depende sa available nga pondo sang syudad.

Suno kay Sayson, income-generating man ang ordinansa kag mabawi man sang LGU ang ginusar nga pondo bangud baklon sang publiko ang safety seal.

Una na nga ginpahayag ni Councilor Al Victor Espino, author sang ordinansa, nga 50 pesos ang balor sang safety seal.

Ginpaathag ni Sayson, nga nag adapt lamang ang LGU sa sini nga ordinansa bangud ang safety seal ang ginapatuman naman sang gobyerno nasyunal kaangay sang DILG.

Suno pa sa Konsehal, masiguro sang publiko nga authentic ang dokumento kon ini ang may safety seal nga indi masunod kag indi magisi.

What’s your Reaction?
+1
0
+1
0
+1
0
+1
0
+1
0
+1
0
+1
0

ANUM NGA NAPATAY SA ENKWENTRO GINAANGUT SA KRIMEN SA PROBINSYA

September 25, 2023

Gin alegar sang militar nga may kahilabtanan sa anom ka krimen sa Southern Negros ang anom ka napatay sa engkwentro sa syudad sang Kabanklan sadtong Hwebes sang gab-i, Setyembre 21.

Suno kay Lt. Col. Jayjay Javines, Civic Military Officer sang 3rd Infantry Division sang Philippine Army, madugay na nga gina-monitor sang militar si Alejo Delos Santos Alyas Peter bangod ini ang ginatudlo lider sang armado nga grupo nga nagpatay sa pila ka tropa sang militar sa Cauayan kag Sipalay.

Paathag ni Javines nga ginatudlo ang anom ka napatay nga may kahimuan sa pagsunog sang backhoe kag pagluthang sa duha ka militar sa Barangay Camindangan, syudad sang Sipalay sadtong bulan sang Marso kag Nobyembre 2022.

Subong man, gin alegar nga ang grupo man ni Delos Reyes ang nag-ambush sa duha ka soldado sa Barangay Yaoyao, banwa sang Cauayan sang Abril 2021.

Palayag pa ni Javines, indi na mapanginwala sang mga rebelde ang nasambit nga mga krimen tungod ang ila pag-ako naka-post sa ila official website.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.