SOLTERO, PATAY MATAPOS GINLUTHANG SANG IYA BAYAW SA MANAPLA

Share on facebook
Share on pinterest
Share on twitter
Share on print

Patay ang isa ka soltero matapos ginluthang sang iya bayaw sa Had Lina, Brgy Sta. Teresa, banwa sang Manapla pasado las 6 sang gab-e sadtong Enero 21.

Ang biktima ang ginkilala kay Joel Villarias, 52 anyos samtang ang suspetsado naman ang ginkilala kay Artimio Seballos, 57 anyos kag pareho nga residente sang amo man nga lugar.

Suno kay Police Major Jaynick Bermudez, hepe sang Manapla PNP, hubog si Villarias kag naglalisay sila sang iya nga bayaw.

Gulpi nalang nga gintiro ni Seballos si Villarias gamit ang wala pa matumod nga armas-luthang kag nakaangkon sang madalom nga pilas sa lawas ang biktima.

Gindala pa sa Dr Gustilo Hospital sa banwa sang Manapla si Villarias apang siya ang gindeklarar nga dead on arrival ni Dr. Robby Balquin.

Pagpahayag ni Bermudez, na-impito ang suspek sa biktima bangud nga masami ini nagahimo sang ginamo sa tion nga makainom.

Sa karun, nagapadayon pa ang pagpangita sa suspetsado nga nagpalagyo matapos ang krimen. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

KABANKALAN PNP BLANGKO PA SA SUSPEK SA PAGPATAY SA DUHA KA LALAKI

Blangko pa Kabankalan City PNP sa identity sang suspetsado sa pagpatay sa mag-abyan nga sanday Erwin Colorado kag sa 16 anyos nga soltero matapos makapila ka beses nga ginbuno tubtub napatay Byernes nga adlaw, sa Purok Pili, Brgy 6, syudad sang Kabankalan.

Suno kay PCapt Dennis Melgarejo, deputy Chief of Police sang Kabankalan PNP nga sa inisyal nga pagpangusisa, antis natabo ang insidente, ulihi nga nakaupod sang duha ka mga biktima ang isa pa nila ka abyan nga karon ginakonsiderar nga person of interest.

Dugang pa ni Melgarejo, wala na sa barangay Biniquil ang abyan sang mga biktima matapos natabo ang pagpatay.

Ginpahayag man Melgarejo nga sa ikaduha nga tion, liwat naman napaslawan ang kapulisan matapos wala naabtan kagab-i sa banwa sang Isabela ang ila person of interest nga ginapatihan nagpalagyo pila lamang agwat antes ang pag abot sang kapulisan.

Nagapabilin nga blanko sa motibo sa pagpatay. | Aksyon Alvin Grava

What’s your Reaction?
+1
0
+1
0
+1
0
+1
0
+1
0
+1
0
+1
0

LALAKI NGA MAY DALA NGA ARMAS LUTHANG SA SAN CARLOS, GINDAKOP

Nahunong karon sa custodial facility sang San Carlos City Police Station ang 41 anyos nga lalaki matapos nakuhaan sang armas sa San Juan/Bonifacio, Brgy. 5, syudad sang San Carlos las 12:10 sang kaagahon, Enero 28.

Ang nadakpan ginkilala kay Expedito Sayon kag residente sang Prk Agulang, Barangay Villegas, syudad sang Guihulngan, Negros Oriental.

Nagapatigayon sang mobile patrol ang grupo ni Police Master Sgt Rosendo Rosagazo Jr. kag nakita nga nagalabaw sa sling bag ni Sayon ang handle sang armas ni Sayon kag sang gin usisa, nakita ang isa cal. 38 revolver kargado sang 5  ka mga bala.

Si Sayon ang nagapangatubang sang kaso paglapas sa RA 10591 ukon paghupot samg ilegal nga armas.  | Aksyon Alvin Grava

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.