MENU

SOLTERO, PATAY SA PAGPANIRO SA BRGY. BANAGO

  • at 9:53 pm
Share on facebook
Share on pinterest
Share on twitter
Share on print

Patay ang 28 anyos nga soltero matapos gintiro kaina sang kaagahon sa Prk. Kawayan Barangay Banago syudad sang Bacolod.

Ang biktima ginkilala kay Jerol Marcellana nga pumuloyo man sang nasambit nga lugar.

Si Marcelllana ang naka-angkon sang madamo nga pilas tuga sa pagluthang nga nagresulta sang iya kamatayon.

Suno kay Police Captain Armilyn Vargas, hepe sang Police Station 3, naga-standby sa eskineta ang biktima sang matabo ang pagtiro sa iya.

Nakalab-ot ang inpormasyon kay Vargas nga nagaintra sa illegal nga transaksyon sa druga si Marcellana.

Gilayon nagpalagyo ang persona nga nagtiro sa biktima sakay sa motorsiklo.

Ginbalikan sang inbestigador sang Police Station 3 ang crime scene agod lantawon ang lugar nga may CCTV kon sa diin gintiro ang biktima. | aksyon Eric Magbanua

What’s your Reaction?
+1
2
+1
0
+1
0
+1
0
+1
0
+1
0
+1
1

SALANGA GINDESIGNAR NGA ACTING MAYOR SANG TATLO KA ADLAW

December 6, 2023

Gin designar si Councilor Israel Salanga bilang acting mayor sang syudad sang Bacolod sang tatlo ka adlaw.

Base sa memorandum nga gin isyu ni Mayor Albee Benitez, acting Mayor si Salanga sa Disyembre 5 tubtob 7, 2023.

Si Vice Mayor El Cid Familiaran naman ang magaserbe nga acting Mayor sa Disyembre 8, 2023.

Suno kay Salanga, nagdululungan ang mga aktibidades sang mga opisyal kaangay sang Philippine Councilors League assembly kag nagkadto si Familiaran sa Manila para sa Local Legislative Awards 2023.

Ginpahayag sang konsehal,

Suno sa konsehal, wala man sang importante nga mga butang nga gin bilin ang alkalde.

Si Benitez ang nagbyahe sa Macau, China para sa pagsinapol sang Regional Development Council.

Ini na ang ikaduha nga tion nga gin designar ni Benitez si Salanga bilang acting mayor.

What’s your Reaction?
+1
1
+1
1
+1
0
+1
0
+1
0
+1
0
+1
0

KAP GONZALES-PALLEN WALA KONTRA SA PAGKA LNB PRESIDENT

December 6, 2023

Wala sang kasumpong si Kapitan Lady Gles Gonzales-Pallen sang Barangay Taculing matapos nag file sang kandidatura sa pagka Presidente sang Liga ng mga Barangay sa Bacolod.

Myerkules sang hapon, Disyembre 6 sang opisyal na nga nagtakop ang filing sang kandidatura para sa eleksyon sang Liga nga gintalana sa Disyembre 15.

Suno kay Kapitan Carl John Magno, sang Barangay 14 kag pamuno sang nomination committee, nagaisahanon nga nag-file sang COC sa pagka presidente si Gonzales-Pallen.

Nag file sang kandidatura sa pagka bise-presidente si Franz Tiongco, Kapitan sang Barangay Mansilingan kag Kapitan Jose Maria Leandro De Leon sang Barangay Vista Alegre sa pagka Auditor

Kalakip man nga nagfile sang COC sa pagka Board of Diretors sanday Kapitan Elmer Villanueva sang Barangay 40, Kapitan John Pettiere sang Barangay 30, Kapitan Rodney Carmona sang Barangay Sum-ag, Kapitan Yolanda Noble sang Barangay Pahanocoy, Kapitan Armando Vito sang Barangay Granada, Kapitan Jerry Tingson sang Barangay Estefania,Kapitan Lope Ledesma sang Barangay 24, Kapitan Baldo Benjamin sang Barangay Banago kag Kapitan Rommel Flores sang Barangay Villamonte.

Samtang nakanselar naman ang COC ni Kapitan Ruben Miranda sang Barangay 35 bangud wala ma-comply ang requirements.

Walo lamang ang pagapilion sa pagka board of director.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.