Pilason ang isa ka soltero matapos ginluthang sang iya abyan sa Hda Jesusa 2, Brgy Alegria, banwa sang Murcia pasado las 9 sang gab-e, Enero 21.
Ang biktima ginkilala kay David Negrito, 20 anyos samtang ang suspetsado naman ang ginkilala kay Orlando Celester, 28 anyos kag pareho nga residente sang Brgy Alegria, sa amo man nga banwa.
Suno kay Police Major Marc Joeil Reclamado, hepe sang Murcia PNP, nagpadulong sa balay ni Celester si Negrito agud kun tani bisitahan ang suspek.
Bangud nga gab-e na sang nagbisita ang biktima, nakibot ang suspek nga may gulpi lamang nga nagsulod sa ila nga balay rasun kun ngaa nagbunot siya sang armas kag natiruhan si Negrito.
Pilas sa wala nga paa ang naangkon ni Negrito kag karun ginabulong sa isa ka pribado nga ospital sa syudad sang Bacolod.
Samtang, ang suspetsado naman ang nagapabilin priso sa custodial facility sang Murcia PNP. | Aksyon John Diaz
