MENU

SP SA BACOLOD GINPALAWIG ANG BOSS TUBTOB MARSO 31

  • at 5:33 pm
Share on facebook
Share on pinterest
Share on twitter
Share on print

Unanimous nga gin aprubahan sang Sangguniang Panlungsod sa Bacolod ang resolution nga nagapalawig sang Business One-Stop Shop sa Ayala Malls Capitol Central kasunod sang pangabay ni Bacolod Mayor Evelio Leonardia.

Sa virtual session, ginpahayag ni Councilor Al Victor Espino, chair sang committee on ways and means, ang BOSS ang magalawig tubtob Marso 31, 2022.

Ang aktibidad angut sa pagkuha kag pagrenew sang business permit ang natalana kuntane nga magtakop sa Enero 20, 2022.

Ginpahayag ni Espino, nga magalawig ang BOSS nga wala sang ipatuman nga penalities ukon surcharge kag mapabilin ang 10% discount para sa fully payment.

Sa record sang Permits and Licensing Office tubtob Enero 14, masobra 11,000 na ang business registration sa syudad humalin nga nag umpisa ang BOSS sang Enero 3.

What’s your Reaction?
+1
0
+1
0
+1
0
+1
0
+1
0
+1
0
+1
0

COMELEC BACOLOD GINPAGWA NA ANG SCHEDULE SANG DUGANG NGA BARANGAY SATELLITE REGISTRATION

April 25, 2024

Ginpagwa na sang Comelec Bacolod ang schedule sang batch 2 sang satellite registration sa mga Barangay. Ginpahayag ni City Election Officer Atty. Kathrina Trinio-Caña, una nila nga padulungann sa Batch 2 ang Barangay Granada sa maabot nga Abril 27.

May registration ang Comelec Bacolod sa Handumanan sa Mayo 4, Barangay Sum-ag sa Mayo 11, Barangay Alangilan sa Mayo 18, Barangay Vista Alegre sa Mayo 25, Barangay Cabug sa Hunyo 1 kag Barangay Estefania sa Hunyo 8.

Suno kay Trinio-Caña, iban sa mga Barangay ang ila na nakadtuan antes ang Barangay kag SK Elections 2023.

Ginpahayag ni Trinio-Caña, nga may mga plano man nga magpatigayon sang satellite registration sa mga buluthuan sa pagbukas sang panibag-o nga school year.

What’s your Reaction?
+1
0
+1
0
+1
0
+1
0
+1
0
+1
0
+1
0

MOBILE PATROL UNIT GINKILALA MATAPOS NADAKPAN ANG SUSPEK SANG VANDALISM

April 25, 2024

Personal nga nabaton ni Mobile Patrol Unit Chief Police Lt. Col. Sherlock Gabana ang recognition kag singko mil pesos nga padya halin kay Bacolod City Director Police Col. Noel Aliño angot sa pagdakop nila sa Filipino-American nga si Jean Clifford Rabinowitz.

Si Rabinowitz ang nadakpan sa akto sang Mobile Patrol Unit nga naga-spray sa pader sang Burgos Street STI-WNU gamit ang canester spray paint.

Suno kay Bacolod City Director Police Col. Noel Aliño, batonon man sang Police Station 8 ang kinse mil pesos nga padya sa masunod nga semana sa pagdakop nila sa tatlo ka persona nga naga-spray sa pader sang Araneta Street Purok Kabulakan 2 Brgy. Singcang Airport, syudad sang Bacolod.

Suno kay Alin̈o, gintukod ang Task Force Vandalism sa pangabay sang LGU Bacolod agod ma-address ang problema sang vandalism sa syudad sang Bacolod.

Liwat nanawagan si Aliño sa publiko nga buligan ang kapulisan sa ila kampanya kontra vandalism.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.