SPECIAL FLIGHTS SG PAL NGA BYAHE BACOLOD-MANILA VICE VERSA MAGAPADAYON

Share on facebook
Share on google
Share on pinterest
Share on twitter
Share on print

Magapadayon subong nga Lunes ang special flights sang Philippine Airlines (PAL) Manila-Bacolod, Bacolod-Manila.

Basi sa flight advisory # 95 sang PAL nga ginpahibalo sang Negros Occidental Tourism Division ( NOTD), alas 11 sang aga ang Estimated Time  of Departure (ETD) sang PR 4131 kag ala 1:05 sang hapon naman ang ETD sang PR 4132.

Ginpangabay sang PAL sa mga pasahero nga magpresentar sang dokumento bilang pagtuman sa mga requirements sang local government units.

Ang mga magahalin sa Manila ang kinahanglan nga magpresentar sang valid government-issued ID nga may residency sa Negros Occidental kag medical certificate.

Ang mga magahalin naman sa Bacolod ang dapat magpakita sang travel certificate ukon authority, medical certificate kag brgy. clearance.

Ginklaro sang NOTD nga indi na kinahanglan nga mag apply para sa travel certificate ang mga pasahero halin sa Manila, bangud ini ang automatic na nga ginaproseso sang gobyerno probinsyal pagkatapos nga makompleto ang booking.

Katapusan nga special flight sang PAL subong nga bulan, ang gintalana sa Hulyo 31. 

DUHA KA DRIVER NAG AREGLUHANAY MATAPOS ANG AKSIDENTE SA BARANGAY ALIJIS

Nag-areglohanay ang magtimbang nga driver sa natabo ang aksidente kaina sang aga sa Circumferential Road South, Barangay Alijis syudad, syudad sang Bacolod.

Ang driver sang Suzuki Aluminum Van ginamaniho ni Randy Alunan, 34 anyos pumuloyo sang Purok Paho Barangay Taculing syudad sang Bacolod.

Samtang ang Mitsubishi Mini Canter ginamaniho naman ni Michael Tim-tim, 43 anyos kag pumuloyo sang Phase 3 Barangay Handumanan syudad sang Bacolod.

Suno kay Police Senior Master Sgt. Clark Cañon, traffic investigator sang Police Station 7, nagaparking ang Suzuki Aluminum Van sang ginbunggoan ini sang Mitsubishi Mini Canter.

Bangod sang impact natumba ang van kag naglapta sa dalan ang mga goods nga igadeliver sa tyangge.

Suno kay Cañon, naka-angkon sang minor nga kapilasan si alunan kag tim-tim matapos sang aksidente. | Aksyon Eric Magbanua

TOP 4 DRUG PERSONALITY SANG KABANKALAN PNP, NADAKPAN

Liwat magapangatubang sa dugang nga kaso ang Top 4 drug priority target list sang Kabankalan City Police Station matapos nakuhaan sang ilegal nga druga sa Sitio Nato, Brgy. Aguisan, syudad sang Himamaylan kagab-i, Hulyo 28.

Ang suspek ginkilala kay Joy Jen Utana, 28 anyos residente sang Brgy 6, syudad sang Kabankalan.

Suno kay PLt. Arturo Margallo, Deputy Chief of Police sang Himamaylan City Police station, si Utana ang nalista bilang number 1 most wanted person sang Kabankalan PNP kag paagi sa Manhunt Charlie Operation, tigayon nga ginserbi sa iya ang mandamiento de aresto sa kaso Violation of Sec. 5, sang R.A. 9165, kag wala sang piyansa batok sa iya.

Sa pag-aresto, narekober sa iya ang 1 ka gramo sang ginasuspetsuhan shabu nga may Standard Drug Price 6,800.

Si Utana ang priso karon sa custodial facility sang Himamaylan PNP kag ginahanda na ang kaso paghupot sang ilegal nga druga kag drug paraphernalia batok sa iya. | Aksyon Alvin Grava

MORE STORIES:

LIKE US ON FB

error: Ooops... You are not authorized to copy this content.