SUSPEK, NAIMPITO MATAPOS NAKIT-AN ANG NOBYA NGA NAGSULOD SA ISA KA COURT SA TACULING; NANGINWALA NGA GINHIMUSLAN ANG 9 KA TUIG NGA BABAYE

Share on facebook
Share on google
Share on pinterest
Share on twitter
Share on print

Ginpanginwala ni Sherwin Trava, 32 anyos, nga iya gin himuslan ang 9 ka tuig nga bata nga babaye nga nakit-an kaina sang hapon sa bakante nga lote sa Zircon Street, City Heights Subdivision, Barangay Taculing, Bacolod City.

Si Trava, residente sang Barangay Lag-asan, Bago City, ang suspek sa paglampos sang bato sang apat ka beses kay alyas Nene, residente sang Purok Kitahanon, Barangay Banago.

Mag abyan si Trava kag amay sang biktima.

Kahapon sang aga, Biernes, sang ulihe nakit-an ang biktima nga isa ka grade 2 student sa may footwalk sang Purok Kitahanon nga nagahampang.

Suno kay Aiza Gac-ang, tiya sang biktima, ginhagad sang suspek ang biktima nga magbakal sang tinapay pero wala na nakabalik.

Ginpangita sang pamilya ang biktima sang Biernes sang gab-i tubtob kaagahon pero napaslawan.

Las 10 kaina sang aga, Sabado, sang gin pa blotter sang pamilya sa Police Station 3 nga may missing sila nga himata.

Kaina sang hapon, nakita ang bata sa isa ka bakante nga lote sa City Heights Subdivision nga nagahapa kag may pilas sa ulo kag malapit sa mata.

Suno sa rescue team, naga ginhawa ang biktima sang gindala sa Corazon Locsin Montelibano Memorial Regional Hospital.

Alegasyon ni Trava, ang bata amo ang nag upod sa iya para kuntane nga magtabo sa iya nobya sa Barangay Taculing.

Ginpahayag ni Trava, nga na impito ini sang nakit-an ang nobya nga nagsulod sa isa ka court sa Taculing kag sang nagpamilit ang bata nga magpauli na.

Suno sa suspek, ini ang nangin kabangdanan sa paglampos sang bato sa bata sang apat ka beses.

Matapos ang insidente, nagpauli ang suspek sa ila balay sa Barangay Lag-asan, Bago City, tubtob nga nagkadto sa simbahan, sa diin gin ako sini ang krimen sa isa ka pastor.

Suno kay PSsgt. Armando Arao, duty investigator sang Bago PNP, mga las 3 kaina sang hapon sang nagpadulong sa ila istasyon ang pastor upod sa suspek para magsungka.

Ginturn-over sang Bago PNP ang suspek sa Police Station 6.

Sa interview sang Aksyon Radyo Bacolod, nagahinulsol ang suspek sa iya nahimo kag nagapangayo sang pasaylo sa pamilya sang biktima.

Nakuha sang kapulisan ang bato nga gin usar sang suspek.

Desidido ang pamilya nga magpasaka kaso batuk sa suspek.

Suno kay Police Major Leo Estopa, hepe sang Police Station 6, posible ang suspek ang magapangatubang sang kaso nga frustrated homicide.

Natalana nga ipaidalum sa medical examination ang biktima.

What’s your Reaction?
+1
4
+1
3
+1
4
+1
42
+1
4
+1
3
+1
8

GRUPO SANG NEGOSYANTE GINADUSO ANG PAGTUKOD SANG BACOLOD BUSINESS COUNCIL

Gina lauman sang mga negosyante nga iga konsiderar ni Mayor Albee Benitez ang ila hinyo nga magtukod sang Bacolod Business Council nga amo ang maga talakay sang ila luyag ipalab-ot nga mga concern.

Suno kay MBCCI Chief Executive Office Frank Carbon, ini nga proposal ang ila gin paagi sa spokesman sang Alkalde nga si Atty. Bong Dilag.

Dugang pa ni Carbon, ini nga lihok ang naga tuyo nga maka patigayon sang regular nga meeting ang ila hanay upod Alkalde angut sa recovery plan nga mahimo mabulig sang lokal nga gobiyerno.

Suno pa kay Carbon, sa pihak nga na mintinar sang syudad ang alert level status sini kon COVID 19 ang paga hambalan, wala nila sa gihapon ma batyagan ang omento sa dalagan sang negosyo bangud man sang naga padayon nga presyo sang gatong, kuryente kag mga balaklon sa merkado. | Aksyon Art Tayhopon

What’s your Reaction?
+1
0
+1
0
+1
0
+1
0
+1
0
+1
0
+1
0

22 ANYOS NGA LALAKI, NADAKPAN SA BUY-BUST OPERATION SA BRGY. MANSILINGAN

Naaresto ang isa ka Newly identified nga drug personality sa drug buy-bust operation sang Bacolod City Police Station 7 sa Prk.Kabugwason , Brgy.Mansilingan syudad sang Bacolod subong nga hapon, Sabado.

Ang nadakpan amu si Aldrin Jarabelo alyas Boy-boy, 22 anyos, wala sang trabaho kag residente sang nasambit nga lugar.

Aminado ang suspek nga nagabaligya kag naga gamit ini sang iligal nga droga.

Narekober sa suspek ang lima (5) ka sachets nga shabu may kabug-aton nga 12 gramos kag nagabalor 81,600 pesos.

Ang suspek magapangatubang sang kaso sa paglapas sang RA 9165 Sec.5 kag 11.

Sa karon yara nahunong ang suspetsado sa pasilidad sang Police station 7. | Aksyon Zil Menardo

What’s your Reaction?
+1
2
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.