SUSPEK SA PAGBUNGKAL SANG PANTYON SA KABANKALAN PUBLIC CEMETERY, NAGSUNGKA

Share on facebook
Share on pinterest
Share on twitter
Share on print

Nagsungka na sa Kabankalan PNP ang suspetsado nga nag bungkal sang pantyon sang isa ka 67 anyos nga babayi nga ginlubong sa Kabankalan Public Cemetery.

Suno kay Lt. Dennis Melgarejo, Deputy Chief of Police sg Kabankalan PNP, ginpalayag sg suspetsado nga hungod wala gin ngalanan bangud sa pangabay sg pamilya, nga gina ako ya ang iya kahimuan bangud na konsensya siya sa iya ginhimo rason nga nagdesisyon nga mag-surrender.

Dugang pa, legal ang edad sg suspetsado, wala sg trabaho kag taga syudad man sg Kabankalan.

Palayag ni Melgarejo makabig na nga case closed ang nasambit nga krimen kag natalana nga pasakaan sg kaso nga malicious mischief ang suspetsado.

Madumduman, Agosto 29, isa ka adlaw matapos ginlubong ang biktima sg madiskubrihan sang iya pamilya nga ginbungkal ang pantyon sini. | Aksyon Eden Aboso via Aksyon Hotline

What’s your Reaction?
+1
0
+1
0
+1
0
+1
0
+1
0
+1
0
+1
0

OPERASYON SANG 15 STALLS SA MANOKAN COUNTRY BALIK NA SA NORMAL MATAPOS ANG COMPROMISE AGREEMENT

Ginpahayag ni City Legal Officer Romeo Carlos Ting Jr. nga may yara na sang compromise agreement ang 15 ka mga ginpasira nga stall sa Manokan Country.

Suno kay Ting, las 5 sang hapon sang Lunes, nagpadulong ang mga tenant sa City Treasurer’s Office para sa compromise agreement kon paano nila mabayaran ang ila utang.

Lunes sang aga sang ginpapanaugan sang closure order ang 15 ka mga pwesto sa Manokan Country matapos wala makabayad sang utang sa gintalana nga deadline nga Setyembre 30, 2022.

Lunes sang gab-i sang balik na sa normal ang operasyon sang mga stall nga ginpapanaugan sang closure order.

Sa record sang syudad, may 7.1 million pa ang utang sang ginpapanaugan sang closure order.

Para Kay Ting, nakahibalo sila nga may MassKara Festival, pero ila lamang gina obra ang ila trabaho kag tuyo nga makagawad sang business permit ang mga may pwesto kag ma inspeksyon sa kada tuig para sa sanitary permit para sa kaayuhan sang mga nagakaon sa lugar.

What’s your Reaction?
+1
0
+1
0
+1
0
+1
0
+1
0
+1
0
+1
0

GOV LACSON WALA SANG MAY NAKIT-AN NGA PROBLEMA SA GINADUSO NGA NEGROS ISLAND REGION KON SIN-O MAN ANG GOBERNADOR SA NEGROS ORIENTAL

Wala sang nakit-an nga problema si Negros Occidental Governor Bong Lacson kun sin-o man ang magapungko nga gobernador sa Negros Oriental, sa ginaduso nga pagbuhi sang Negros Island Region (NIR).

Ini ang ginpahayag ni Lacson sa opisyal nga pagdeklarar kay Roel Degamo bilang nagdaug nga gobernador sa Negros Oriental nagligad nga eleksyon kontra sa malapit nga kasumpong sini nga si Pryde Henry Teves.

Suno kay Lacson handa ang League of Provinces of the Philippines (LPP) sa pagsuporta sa sin-o man nga gobernador sang Negros Oriental.

Dugang pa ni Lacson, dapat lang nga batunon ang anu man nga desisyon sang Comelec ukon korte suprema sa pagkilala sang matuod-tuod nga nagdaug nga kandidato.

Suno kay Lacson nga sang ginpatigayon ang 2nd LPP General Assembly sa syudad sang Koronadal South Cotabato nagligad nga Setyembre 30, isa si Teves sa mga gobernador nga nagtambong kag nag-aprobar sang iya ginpamangkot kun kamusta na ang estado sang NIR.

Nagasalig si Lacson nga suportahan sa gihapon ni Degamo ang pagbuhi sa NIR bangud nagserbe man ini bilang gobernador sang Negros Oriental sang magsugod ang operasyon sang rehiyon sadtong 2015 tubtub 2017.

Nagligad nga Lunes, gindeklarar sang Comelec si Degamo nga amo ang nagdaug sa Negros Oriental gubernatorial race nagligad nga May 2022 elections. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.