Gin tugutan sang syudad sang Bacolod nga mag baligya sang ukay-ukay ang pila ka mga negosyante sa Bacolod sa Enero 1 sa parking lot sang Bacolod Vendors’ Plaza.
Sa interview sang Aksyon Radyo, gin pahayag ni Bacolod Vice Mayor El Cid Familiaran, una nga nag padala sang request ang mga ukay-ukay vendors nga mag baligya sa dalan Araneta, Luzuriaga, Gonzaga kag sa Old City Hall sa Enero 1 pero wala ini gin paboran sang SP.
Gin paathag ni Familiaran nga ang konseho ang nag pasar sang resolusyon nga naga tugot sa mga ukay-ukay vendors nga mag plastar sang ila baligya sa parking lot sang Vendors’ Plaza kag indi sa downtown area.
Suno kay Familiaran, ang ini nga desisyon sang konseho ang base sa memorandum circular sang DILG nga gina dilian ang pag akupar sang pampubliko nga dalan kag indi patas sa mga sidewalk vendors kon sila ang tugutan nga mag baligya sa dalan.
Suno sa bise-alakde, mahimo nga dakpon sang kapulisan sa tion nga may mag baligya sang ukay-ukay sa Downtown area. | Aksyon Dale Salazar
