SYUDAD GINA PABALIK ANG MGA BARANGAY NGA NAG HALIN SA BUSINESS ONE-STOP-SHOP

Share on facebook
Share on pinterest
Share on twitter
Share on print

Nanawagan si Executive Assistant Sammy Montoyo Sr. sa mga barangay nga nag halin na sa Business One Stop Shop (BOSS) nga mag balik sa Bacolod Government Center.

Ini matapos nga nagpagwa sang legal opinion ang City Legal Office (CLO) nga dapat patapuson sang mga Barangay ang BOSS tubtob sa Pebrero 29 kasunod nga ini ang gin palawig sang Sangguniang Panlungsod paagi sa pagpasar sang ordinansa.

Suno kay Montoyo, myembro sang ease of doing business core team sang syudad, sa tion nga indi mag balik ang barangay sa BGC, ang CLO ang maga himo sang legal action batuk sa ila.

Una nga nag padala sang sulat ang pila ka mga barangay kay Montoyo nga naga pabalo nga mag balik na sa ila barangay hall sa pag isyu sang barangay clearance matapos nga ila na na akomodar ang kapin 85% sang negosyo sa ila barangay. | Aksyon Dale Salazar

What’s your Reaction?
+1
0
+1
0
+1
0
+1
0
+1
0
+1
0
+1
0

PAGTUKOD SANG ISTRAKTURA SA DANGER AREAS SA SINGCANG-AIRPORT, GINADILIAN

Ginadilian na ang pagtukod sang balay ukon istraktura sa Barangay Singcang-Airport sa mga ginakabig danger areas, public land ukon private land nga wala sang pahanugut sa gobyerno.

Ini ang base sa Barangay Ordinance nga gin aprubahan sang Singcang-Airport council.

Base sa facebook post ni kapitan Atty. Caesar Distrito, cover sang ordinansa ang mga danger areas kaangay sang baybay, kilid sang suba, kilid ukon sa babaw sang mga kanal, drainage, creek, estero, dalan, pathway, footwalk, ukon ano man nga public land ukon private land nga wala sang permiso sang barangay.

Ginpaathag ni Distrito, kinahanglan una nga magpangayo sang clearance halin sa Barangay antes magpakay-o ukon magpatindog sang istraktura.

Suno sa Kapitan, ang mga nasambit nga balay ukon istraktura amo ang nagabalabag nga ginatunaan sang pagbaha kag nagabutang sa peligro sang tawo.

Ginatugyan ni Distrito sa mga opisyales sang purok ang pagbantay kag mag report kon may illegal structure sa ila nga lugar.

Magapapanaug ang Barangay sang notice to stop kag pagkakas sang illegal structure kon may bayolasyon, kag kon indi makakas sa sulod sang 24 oras, ang Barangay na ang maguba sang istraktura.

What’s your Reaction?
+1
0
+1
0
+1
0
+1
0
+1
0
+1
0
+1
0

GINALEGAR DRUG PERSONALITY GINTIRO, PILASON

Ginabulong sa San Carlos City Hospital ang isa drug personality matapos ginluthang sa Zone 5, Brgy. 5, syudad sang San Carlos, alas 3:20 sang hapon Sabado, (Feb. 24).

Ang biktima ginkilala kay Regie Villana kag residente sang sang amo nga lugar samtang ang suspek ginkilala naman kay Lionio Pastrana 25 anyos kag residente sang Sitio Agtotonoy, Brgy. Prosperidad.

Sa inisyal nga pagpangusisa ni PMaj. Ryan Villasario, deputy chief of police sang San Carlos City PNP, samtang nagapauli l si Villana sa iya puloy-an, sa ginbantayan kag hungod nga ginluthang ni Pastrana gamit ang cal. 45 pistol.

Gilayon nga gindala sa ospital si Villana matapos nakaangkon samg pilas sa tiyan kag kamot.

Sa sa bulig sang CCTV, nakilala kag nadakpan ang suspek nga karon nahunong na sa custodial facility sang San Carlos City PNP.

Narekober sang mga otoridad ang isa ka unit sang .45 cal pistol nga may (7) pito ka mga bala.
Away sa ilegal nga druga ang ginalantaw nga motibo sa pagluthang.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.