Magapatigayon sang internal investigation ang tagdumalahan sang FastCat M6, ang barko nga nasadsad sa manabaw nga porsyon sang baybayon sa Dumaguete Boulevard.
Sa ginpagwa nga official statement, natabo ang insidente takna las 12:36 sang udto sang Myerkules nga adlaw, Hunyo 22, 2022.
Ginpahayag nga wala sang pasahero ukon rolling cargoes sa barko sang ini ang naka anchor sa 0.25 nautical miles south sang Dumaguete Port kag nagahulat sang available nga shipyard para sa mandatory drydocking.
Nasaad sa statement, nga ginguyod ang barko pakadto sa Boulevard area bangud sa makusog nga pagmadlos.
Sa bulig sang isa ka tugboat, safe nga nakabalik ang barko sa pantalan.
Wala sang may nasamaran sa insidente ukon kahalitan ang insidente pero magapatigayon ang tagdulamahan sang imbestigasyon para malikawan ang kaangay nga hitabo sa palaabuton.
Nagpasiguro ang tagdumalahan nga nagapadayon ang ila crew training kag vessel upgrade para sa safety kag welfare sang mga pasahero.
Nagpasalamat ang tagdumalahan sa Office of the City Mayor, Philippine Coast Guard, MARINA kag iban pa nga nagbulig.