MENU

TALISAY PNP PADAYON PA GINAUSISA ANG GINALEGAR PAG ABDUCT SA 23 ANYOS NGA LALAKI

  • at 9:22 pm
Share on facebook
Share on pinterest
Share on twitter
Share on print

Nagapadayon pa ang imbestigasyon sang Talisay  PNP  sa gin-alegar pag abduct sa isa ka 23 anyos nga si Jordan Gamayo sa Prk. Hiyang-Hiyang , Brgy.Cabatangan syudad sang Talisay anag tinalikdan nga adlaw.

Suno kay Police Lieutenant Dan Oliver Salazar, Deputy sang Talisay PNP nga gin-imbitar nila ang pamilya sang biktima agud maghatag sang pahayag angut sa sa dugang nga imbistigasyon.

Palayag ni Salazar nga ginaklaro pa sa karon sang kapulisan ang natabo kung gin pwersa gid nga ginkuha ang biktima ukon ini  ang natawhay nga nag upod sa walo ka mga suspetsado.

Ginklaro man ni Salazar nga nagapabilin pa sa gihapon nga alegasyon ang natabo nga pagpang- abduct sa biktima bangud nagapadayon pa ang imbestigasyon apisar pa nga nakabalik na ang biktima kag may yara sang saksi. | Aksyon Zil Menardo

What’s your Reaction?
+1
0
+1
0
+1
0
+1
0
+1
0
+1
0
+1
0

MASOBRA 2K KA PULIS MAGAHATAG SEGURIDAD SA MASSKARA 2023

September 25, 2023

Masobra 2,000 ka pulis ang ipalapta kadungan sa selebrasyon sang Masskara Festival sa syudad sang Bacolod.

Suno kay Lt. Col. Ronnie Brillo, Deputy City Director for Administration, Oktubre 6 iga-deploy ang 2, 331 ka personnel. Dugang pa ni Brillo, nag-request naman sila sang augmentation gikan sa Police Regional Office 6 bangud 1,044 lang ang masarangan nga personnel sang BCPO kag may kulang nga 1,287 ka pulis.

Suno kay Brillo kon masarangan sang NOCPPO, posible sa ila gikan ang augmentation antes magkuha sang augmentation gikan sa Iloilo Police Provincial Office kag iban nga units.

Posible man suno kay Brillo nga dugangan ang una nga 25 ka Bacolod City Public Assistance Desk nga ginpahamtang sa strategic areas sa palibot sang syudad.

Samtang, pahimuan ni Bacolod City Police Office Director Col. Noel Aliño sang individual security plan ang kada aktibidad sa Masskara Festival.

What’s your Reaction?
+1
0
+1
0
+1
0
+1
0
+1
0
+1
0
+1
0

COUNCILOR SAYSON MAY PAATHAG SA 35M NGA PONDO SANG SAFETY SEAL ORDINANCE

September 25, 2023

Ginpahayag ni Councilor Jude Thaddeus Sayson, chair sang committee on finance and appropriation, nga ‘budgetary requirement’ lamang ang 35 milyones pesos nga pondo sa pagpatuman sang Safety Seal Ordinance sang LGU.

Ini ang gin aprubahan nga ordinansa sang konseho sa tuyo nga malikawan ang pagpameke sang dokumento magluwas pa sa ginabutang nga QR code.

Sa press conference, Lunes, ginpahayag ni Sayson, indi lamang isa ka tranche ang pagpatuman sang 35 milyones pesos kundi depende sa available nga pondo sang syudad.

Suno kay Sayson, income-generating man ang ordinansa kag mabawi man sang LGU ang ginusar nga pondo bangud baklon sang publiko ang safety seal.

Una na nga ginpahayag ni Councilor Al Victor Espino, author sang ordinansa, nga 50 pesos ang balor sang safety seal.

Ginpaathag ni Sayson, nga nag adapt lamang ang LGU sa sini nga ordinansa bangud ang safety seal ang ginapatuman naman sang gobyerno nasyunal kaangay sang DILG.

Suno pa sa Konsehal, masiguro sang publiko nga authentic ang dokumento kon ini ang may safety seal nga indi masunod kag indi magisi.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.