TAPASERO, NASAPWAN NGA PATAY SA TOBOSO

Share on facebook
Share on pinterest
Share on twitter
Share on print

Nasapwan patay ang isa ka tapasero sa Sitio Toril, Brgy. Bandila, banwa sang Toboso, pasado la 1 sang hapon, Enero 24.

Suno kay Police Captain Rene Boy Eduardo, Deputy Chief of Police sang Toboso PNP, ang biktima ang ginkilala kay Ryan Ondoy, 33 anyos kag residente sang Barangay Malatas, banwa sang Calatrava.

Pagpahayag ni Eduardo, nagpadulong sa Barangay Bandila si Ondoy agud kun tani sugaton ang iya upod sa trabaho.

Natalana nga magpangayaw tapas sa syudad sang Silay ang biktima sang nasapwan siya nga patay.

Si Ondoy ang nakaangkon sang pilas sa ulo apang ginahulat pa sang kapulisan ang resulta sang medico legal examination agud mahibaloan ang rasun sang kamatayon sini.

Ini pa man makumpirmar sang kapulisan nga ang pilas ni Ondoy sa ulo ang tuga sang paglampos sang matig-a nga bagay. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

ANAY PRESO NGA GINALEGAR NAGBATO SA KAPULISAN NALUTHANGAN, PATAY

Patay ang 45 anyos nga lalaki kag anay priso matapos nagbato sa kapulisan pinaagi sa pagpalupok sang armas-luthang sa Sitio Tugbungan, Barangay II, banwa sang Hinigaran, Negros Occidental , Sabado, Pebrero 24, 2024.


Ginkilala ang napatay nga si Alladin “Doydoy” Palcotan, wala sang trabaho, residente sang Brgy. Araal ,syudad sang La Carlota, kag person of interest sa pagbuno sa abyan sini nga si Eduard Acupan, 38-anyos.

Suno kay Police Major Clifford Batadhay, hepe sang Hinigaran Municipal Police Station, matapos makabaton sang impormasyon nga may yara sang stabbing incident gilayon nga nagresponde ang kapulisan.

Base sa imbestigasyon, ginbuno ni Palcotan si Acupan nga nakaangkon sang buno sa nawala nga tiyan matapos nagbaisay ang duha.

Nag negosyar pa ang kapulisan kay Palcotan bangud ini ang nagpabilin sa sulod- balay sang biktima kag may dala nga armas luthang.

Palayag ni Batadhay , nagdesisyon sila nga i-suffocate si Palcotan gamit ang fire extinguisher sang makapila ka beses apang nagapalupok ini batuk sa kapulisan.

Dugang pa, pag-abot sang 61st Special Action Force (SAF), nagbriefing ang mga ini kaupod ang kapulisan kag nadesisyonan nga sudlon nalang ang balay ni Acupan agud ma-neutralize si Palcotan.

Nakaangkon sang pilas si Palcotan matapos natiruhan kag ginhingagaw pa dala sa ospital apang gindeklarar nga dead-on-arrival.

Nahibaluan nga ang duha ka imbolbado ang mag-abyan kag bag-o lang naka gwa halin sa sulod sang prisohan.

What’s your Reaction?
+1
0
+1
0
+1
0
+1
0
+1
0
+1
0
+1
0

BATA NGA NAGPANAGO SA IDALUM SANG PICK-UP AKSIDENTE NGA NALAPAKAN, PATAY

Patay ang 4 ka tuig nga bata nga lalaki matapos nalapakan sang goma sang salakyan sa atubang sang KMart, sa dalan Galo, barangay 22, syudad sang Bacolod, alas 7:20 kagab-i, Sabado, (Feb. 24).

Sa inisyal nga pagpangusisa ni Capt. Francis Depasucat, hepe sang BCPO Police Station 4, ang menor de edad residente sang Galo, Barangay 22.

Ang suspek nga driver sang Navara pick-up ang isa ka babayi nagapang-edaron sang 35 anyos.

Dugang pa ni Depasucat, ginaalegar nagahampang ang biktima upod sa pila pa ka menor de edad kag nagpanago sa idalum sang pick-up sang aksidente nga naisulan kag nalapakan sang pangulihi nga goma ang lawas sini.

Ginhingagaw pa kon tani dala ang biktima sa Corazon Locsin Montelibano Memorial Hospital apang napatay samtang ginabulong.

Ginpahayag man ni Depasucat nga nag-istoryahanay na ang pamilya sang biktima kag ang suspek kag ginsabat man sini ang mga gasto asta sa pagpalubong.

Hungod nga wala ginhingadlan ni Depasucat ang ngalan sang suspek basi sa pangabay sang pamilya.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.