TAPASERO, PATAY MATAPOS GINBUNO SANG PADRASTO SANG IYA LIVE-IN PARTNER SA ISABELA

Share on facebook
Share on pinterest
Share on twitter
Share on print

Patay ang tapasero matapos ginbuno sang pila ka beses sang padrasto sang iya nga live-in partner sa Prk. Tinago, Brgy. Camang-camang, banwa sang Isabela, pasado las 7 sang gab i, Setyembre 18.

Ang biktima ginkilala kay Aldrin Abelido, 29 anyos samtang ang suspetsado ginkilala kay Ricky Sanao, 49 anyos kag residente sang Brgy. Tinongan tanan sa banwa sang Isabela.

Suno kay Police Lt. Dante Balenario, Deputy Chief of Police sang Isabela PNP, nagpadulong sa Barangay Camang-camang si Sanao upod ang iya live-in partner agud bisitahan ang iya manak nga luyag makig-bulag sa iya nga bana.

Una nga gintayaan sang patalum ni Sanao ang live-in partner sang iya manak nga si Ronilo Sasota apang ini ang natambagan kag nahusay.

Dugang pa ni Balenario, nag-abot si Abelido kag liwat nga nagluntad ang komosyon. Suno sa kapulisan, nagatinguha na nga maglikaw sa gamo’ si Sanao apang mismo si Abelido ang naglagas sa suspetsado.

Tatlo ka pilas sa dughan ang naangkon ni Abelido nga gintunaan sang iya kamatayon.

Priso karun sa custodial facility sang Isabela Municipal Police Station si Sanao kag natalana pasakaan sang kaso nga homicide. | Aksyon John Diaz

What’s your Reaction?
+1
0
+1
0
+1
0
+1
1
+1
0
+1
0
+1
0

POLICE STATION 2 GINPASANYOG PA ANG KAMPANYA KONTRA KRIMINALIDAD

Padayon ang kadalag-an sang Bacolod City Police Station 2 sa mas ginpasanyog nga kampanya batuk sa tanan nga sahi sang kriminalidad kun sa diin madamo ang nagkaladakpan nga mga persona nga may nagkalain-lain nga kaso.

Suno kay Police Captain Paul Vincent Pendon, hepe sang Bacolod Police Station 2, anum ang naaresto sa lima ka drug buy-bust operations nga nagresulta sa pagkumpiskar sang 2,104,389 nga balor sang ilegal nga droga nga nagabug-at sang 309.469 gramos.

Naaresto man ang duha ka most wanted person kag isa diri ang MWP sang station level samtang anum naman ang nadakpan nga other wanted persons.

Sa anti-illegal gambling operations 33 ka indibidwal naman ang nagkaladakpan sa 12 ka operations nga gin patigayon.

Nagapasalamat ang hepe sa mga kaupdanan sa wala untat kag dedikado nga pagtrabaho kasubong man sa kooperasyon sang pumuluyo sa area of responsibility sang Police station 2.

Madumduman nga sa ika -120 kag ika- 121 nga Police Service Anniversary Celebration ang Bacolod City Police Station 2 ang nakabaton sang pareho nga pasidungog nga Best Numbered City Police Station kag Best Unit Campaign Against Illegal Drugs Numbered City Police Station Level. | Aksyon Zil Menardo

What’s your Reaction?
+1
0
+1
0
+1
0
+1
0
+1
0
+1
0
+1
0

DUHA KA LALAKI KAG ISA KA MENOR DE EDAD, NADAKPAN SA BUY-BUST OPERATION SA SILAY

Narekober ang masobra 95,000 pesos nga balor sang ginasuspetsuhan shabu sa buy bust operation sang Silay City PNP sa Sitio Dacutan Dacu, Brgy Mambulac, syudad sang Silay pasado las 2 sang hapon, Oktubre 3.

Ang mga nadakpan amo sanday Myco Galleno, 37 anyos; Jaynel Siason, 19 anyos kag isa ka menor de edad nga lunsay residente sang Sitio Dacutan Dacu, Brgy Mambulac, sa amo man nga syudad.

Suno kay Police Lt. Col. Mark Anthony Darroca, hepe sang Silay City PNP, si Galleno nga isa ka street level individual ang subject sang buy bust operation.

Dugang pa, si Galleno ang Top 6 man sa drugs watchlist sang Silaty City PNP. Nakumpiskar kay Galleno ang siyam ka sachet sang ilegal nga droga kag isa ka sulpak.

Samtang, nakuha naman sa menor de edad ang 5 ka sachet sang ginasuspetsuhan shabu.

Sa kabug-usan, 14 ka gramos sang ginasuspetsuhan shabu ang narekober sang kapulisan nga ginabulubanta nagabalor sang 95,200 pesos. Kaso nga paglapas sa layi nga nagadumili sa pagbaligya kag paghupot sang ilegal nga droga kag paghupot sang ilegal nga armas ang pangatubangon sang tatlo ka mga nagkaladakpan. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.