Nagalaom ang Negros Occidental Provincial Task Force against ASF nga ikonsiderar sang Department of the Interior and Local Government ukon (DILG) ang ginpirmahan nga dokumento nga nagarekomendar sa pagpadayon sang 90 diyas nga ban sa pork products halin sa Luzon.
Ini matapos ipalayag ni DILG Secretary Eduardo Año ang plano nga pag isyu sang memorandum sa mga local government units nga kakason ang ban sa processed pork products nga nakarehistro sa Food and Drugs Administration.
Nabalaka si Gobernador Eugenio Jose Lacson nga maapektohan ang 6 bilyones pesos nga swine industry sang probinsiya kun kakason ang 90-day ban sa pork products nga nag umpisa sadtong Setyembre 11.
Luyag man sang gobernador nga palawigon ang 90 diyas nga ban kun magpadayon sa gihapon ang paglapta sang African Swine Fever ukon (ASF) virus sa madamo nga lugar sa Pilipinas. | Aksyon Marlon Genovea