TATLO KA BANGKAY SANG REBELDE NGA NAPATAY SA ENKWENTRO SA ESCALANTE, NAREKOBER NA

Share on facebook
Share on pinterest
Share on twitter
Share on print

Narekober na sang otoridad ang bangkay sang tatlo ka mga rebelde nga napatay sa enkwentro nga nagluntad sa Sitio Mansulao, Barangay Pinapugasan syudad sang Escalante.

Suno kay Lt. Col. Arnel Calaoagan, Batallion Commander sang 79th Infantry Batallion sang Philippine Army, duha sa mga napatay mga lalaki kag isa naman ang lalaki apang wala pa sang kumpirmado nga identity.

Dugang pa ni Calaoagan, mga matag-as nga opisyal sang New People’s Army (NPA) ang mga napatay basi sa inisyal nga report nga ila nabaton.

Naglawig sang tatlo ka adlaw antis napanaug ang bangkay sang mga rebelde halin sa encounter site bangud sang nagapadayon nga clearing operation.

Ang mga bangkay ang yara na karun sa puneraryo sa syudad sang Escalante.

Ang tatlo ka mga rebelde ang napatay sa una nga encounter sadtong Pebrero 21.

Sa pihak nga bahin, luwas naman sa katalagman ang apat ka mga miembro sang Philippine Army nga napilasan sa una man nga engkwentro.

Kalakip sa mga napilasan ang platoon commander nga nagpatigayon sang combat operation.

What’s your Reaction?
+1
1
+1
0
+1
0
+1
0
+1
0
+1
0
+1
0

PERTUSSIS CASES SA BACOLOD NAGSAKA SA ANUM

Nadugangan pa sang tatlo ka kumpirmado nga kaso sang pertussis ang syudad sang Bacolod.

Bangud sini nagsaka sa anum ang kabug-usan nga kaso sang pertussis sa syudad halin Enero 1 tubtob Abril 6, 2024 nga datus sang Bacolod City Health Office.

Sa report sang Bacolod CHO, nakagwa na sa hospital ang anum ka mga pasyente nga naga edad isa ka tuig panubo.

Duha ka kaso ang na record sa Barangay Tangub samtang tig isa naman sa Barangay Granada, Handumanan, Taculing, kag Villamonte.

May lima naman ka samples ang nag negatibo sa masakit samtang may duha pa ka samples nga pending pa ang resulta sa RITM.

What’s your Reaction?
+1
0
+1
0
+1
0
+1
0
+1
0
+1
0
+1
0

LAPSAG SA NEG OCC GINBAWIAN KABUHI BANGUD SA PERTUSSIS

Nakarekord ang Negros Occidental sang isa ka patay bangud sa pertussis disease.

Suno kay Provincial Health Officer Dr. Ma. Girlie Pinongan, napatay ang bata nga pasyente samtang naka-admit sa Doña Corazon Locsin Montelibano Memorial Regional Hospital nagligad nga semana, antis mag-gwa ang resulta sa specimen laboratory examination.

Dugang ni Pinongan, may kabug-usan na nga lima ka mga kaso ang probinsiya, lakip na ang pasyente nga napatay, lima ka mga specimen nga nag-negatibo kag 26 nga probable cases.

Ginklaro ni Pinongan nga kontrolado sa gihapon ang kaso, kag nagalaum nga indi na magdamo pa samtang ginahulat ang pag-abot sang Pentavalent vaccines.

Ginpanugyan ni Pinongan sa mga ginikanan nga indi na pagdal-on sa mga matawo nga lugar ang kabataan, agud indi madapuan sang amo nga masakit.

Pinakatigulang nga pasyente sang pertussis disease sa Negros Occidental, ang naga-edad sang 62 anyos.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.