TATLO KA BRAND SANG COVID-19 VACCINES NAG ABOT SA NEGROS OCCIDENTAL KAG BACOLOD

Share on facebook
Share on google
Share on pinterest
Share on twitter
Share on print
(Bacolod PIO Photo, July 19, 2021)

Nag-abot subong  nga adlaw Hulyo 19, 2021, ang una nga batch sang Johnson and Johnson vaccines, dugang nga AstraZeneca  kag Pfizer  para sa Negros Occidental kag syudad sang Bacolod.

Ini  paagi sa cargo flight sang Philippine Airlines nga nag-abot sa Bacolod-Silay Airport alas 9:13 kaina sang aga. 

Ang Negros Occidental ang may 14,000 vials ukon 70,000 doses sang Johnson and Johnson  kag 290 vials ukon 2,900 doses sang AstraZeneca, samtang ang Bacolod ang may 6,000 vials ukon 30,000 doses sang Johnson and Johnson, 1,870 vials  ukon 18,700 doses sang AstraZeneca, kag 390 vials ukon 2,340 doses sang Pfizer. 

Ang isa  ka vial sang Johnson and Johnson ang may lima ka  doses, isa ka vial sang AstraZeneca ang may pulo ka doses  kag isa  ka vial sang Pfizer ang may anom ka doses.

Samtang, umpisa bwas nga adlaw, Martes, pagaumpisahan na sang gobyerno sang syudad sang Bacolod ang pagusar sang nag abot nga bakuna.

Suno kay City Administrator kag Bacolod Executive Director Em Ang, nagbaton ang syudad sang 18,700 doses sang AstraZeneca vaccines nga kabahin sang 650,000 doses nga ginbakal sang LGU.

Magluwas sini, nag abot man ang 30,000 doses sang Johnson & Johnson Covid vaccines kag 2, 340 doses sang Pfizer halin naman sa gobyerno nasyunal.

Suno kay Ang, wala sang vaccination sa mga mall sa Martes bangud holiday, pero mapadayon ang pagbakuna sa Bacolod Government Center kag sa mga Barangay.

LACSON KAG IBAN PA NAGHATAG SANG PASADO NGA GRADO KAY DUTERTE

Ginhatagan sang pasado  nga grado ni Negros Occidental Governor Bong Lacson, anay Cong. Albee Benitez  kag Cadiz City Mayor Salvador Escalante Jr.,  ang performance ni  Rodrigo Duterte sa sulod sang pila  ka tuig  nga  pagpungko bilang presidente.

Sa interview sang Provincial Capitol media ,  sila ang pareho  nga naghatag   sang  7 tubtub 8 nga grado sa presidente ,  sa scale  nga 1-10.

Suno kay Lacson, ginhimo  sang presidente ang tanan agud  indi maglala ang epekto sang COVID-19 pandemic  sa ekonomiya sang pungsod.

Suno  naman kay Escalante  bisan pa nga may pandemya ginhatagan sa gihapon sang gobyerno nasyonal sang 13th month Internal Revenue Allotment (IRA),  mga proyekto halin sa gobyerno nasyoinal,  pati na sang libre  nga bakuna kontra COVID-19  ang mga local government units.

Para kay Benitez,   makabig  nga landmark achievements ni Duterte ang universal health care program, kag libre  nga tuition sa tertiary education. | Aksyon Marlon Genovea

NOCPPO GINPATINDUGAN BALAY ANG SENIOR CITIZEN SA LA CARLOTA

Indi matakos nga kalipay ang ginbatyag sang isa ka nga senior citizen matapos ginbag-o ang ila puloy-an sa Purok Uno, Barangay Nagasi, Syudad sang La Carlota.

Suno kay Negros Occidental Police Provincial Office ukon NOCPPO Deputy Spokesperson PLt Abegael Donasco, ang benepisyaryo ginkilala kay Elvisita Quiyo.

Dugang ni Donasco, upod ni Quiyo nga nagapuyo sa iya balay ang iya apo, matapos mapatas ang bana sang tinalikdan lng nga Abril.

Palayag sang Spokesperson ang puloy-an sang benepisyo daw marusdak na bangud sa madaan na nga mga dapat nga kahoy.

Naghimo sang inisiyatibo si PLtCol Jonel Guadalupe, hepe sang La Carlota PNP ng himoon ang amo nga proyekto sa idalum sang BARANGAYANIHAN.

Ini ang pinaka-una nga proyekto nga natigayon kag posible nga masundan pagid ini sa pala-abuton.

Ginpasalamatan man sa NOCPPO ang nagbulig sa amo nga mga proyekto. | Aksyon Bryan Morden

MORE STORIES:

LIKE US ON FB

error: Ooops... You are not authorized to copy this content.