TATLO KA GINAPATIHAN NPA SA NEGROS ISLAND, NAGSUNGKA

Share on facebook
Share on google
Share on pinterest
Share on twitter
Share on print

Nagsungka ang tatlo ka mga miembro sang New People’s Army sa Isla sang Negros sa otoridad sa sulod sang isa ka semana.

Sa interview sang Aksyon Radyo Bacolod kay BGen. Inocencio Pasaporte, Commander sang 303rd IB, Philippine Army, kadungan sa paglubong kay Arnold Suerte alyas “ka Anton”, nagsurender sa 94IB sa Brgy. Tambo, banwa sang Ayungon si Samson Ones Tillo alyas “ka Dener”.

Si Tillo, isa ka aktibo nga miembro sang NPA kag Squad Leader sang Central Negros Front 2. Enero 17, 2022,

Nagsurender man sa 79th IB ang mag-asawa nga NPA sa Northern Negros.

Suno kay Pasaporte, ang duha ginkilala lamang sa alyas “Ka Bruno” kag alyas “Ka Mary”.

Si Ka Bruno ang ginakilala nga Political Instructor samtang ang asawa sini isa ka Educational instructor sang nadismantol nga Northern Negros Front.

Hungod nga wala ginhatag ni Pasaporte ang ngalan sang mag-asawa para sa ila seguridad kag samtang ginaproseso pa ang mga papeles.

Sa rebelasyon sang mga surenderer, ginpahayag man ni Pasaporte nga sanday Ka Dener, Ka Bruno kag Ka Mary lunsay mga biktima sang sala nga promisa sang ila partido, nakapuyan na sa pagpalagyo kag pagpanago sa mga kabukiran. | Aksyon Alvin Grava

What’s your Reaction?
+1
0
+1
0
+1
0
+1
0
+1
0
+1
0
+1
1

MORE STORIES:

LIKE US ON FACEBOOK

error: Ooops... You are not authorized to copy this content.